Mika 1:6 - ICIGHAN BIBILO

⁶ Nahan yô, Me gema Samaria una hingir tihialôgh ken ikôngo, ijiir i kahan sule u ikon i wain; Me menger awen a na a̱ haa shin pev; Me er amagh a na a̱ due sha.

Mika 1:6 Iomraidhean Croise

2 Samuel 17:13

Man shi aluer una za nyôr ken ma gar ugen yô, Iserael cii vea tôô ikor vea za a mi hen gar la, sé kpera un sé za ta shin ifi je, aniwen ciôn tsô kpaa, una kera shi hen ijiir la ga.

2 Utor 18:10

Anyom nga kar atar yô, ve ngohol un; ka inyom i sha ataratar i Hesekia la, shi ka anyom ataankaranyiin a Hoshea tor u Iserael je la, i hemba Samaria ye.

2 Utor 18:9

Kpa sha inyom i sha unyiin i tor Hesekia la, ka inyom i sha utaankaruhar i Hoshea wan u Ela tor u Iserael je la, Shalmaneser tor u Ashiria va ityav hen Samaria, a haa afo a kase un.

2 Utor 19:25

U ungwa er M vande eren akaa la tsuaa, M ver a ngise je kpaa gaa? Hegen yô, M kure a sha mi vough, ka nahan man u tim agar a lun a ugir, u gema a, a hingir atihi a alôgh ye.

Yesaia 17:1

Mkaanem ma Aôndo sha Damaseku. Nenge, mba karen a Damaseku sha, una kera lu gar ga, una hingir tihi u alôgh.

Yesaia 25:12

Iyouutya i taven sha, i sha gilgar la, Una yôhôl i, Una haa i inya, Una samber i inya zan zan shin vuulevu je.

Yesaia 25:2

Gadia U gema gar u tamen hingir tihi u alôgh, gar u taveraa hingir ice; garutya u ior mba tar ugen hingir er ka gar ga yô, á kera maa un mayange ga.

Yeremia 31:5

Ú shi ú môôr ikon i wain sha iwo i Samaria; mbamôôr vea môôr man shi vea ya atam a i kpaa.

Yeremia 51:25

Nenge, M ngu ihom a we, we uwo u timin akaa kera ne, kape TER A kaa ne, we u u timin tar cii kera ne; Me naregh uwegh sha a we, Me menger we sha avande kera, Me gema u ú hingir uwo u hian;

Yeremia 51:37

Babilon una hingir atihialôgh, ijiir i teman i ugbaseela, kwaghcieryol man kwagh u gbiren iwer a min, ma or una kera tema her ga.

Yeremia 9:11

Me gema Yerusalem una hingir atihi a alôgh ijiir i tsan i ugbaseela; Me gema agar a Yuda á hingir atse, ma or nana kera tema ken a ga.

Ukwelegh 4:1

Nenge, er zenaria a hingir cing yô, zenaria u mimi gema hingir kposo! I tsenda awen a icighanjiir sha ityough ki hanma gbenda.

Esekiel 13:14

Kape Me yôhôl kpekpe u ne shighe un ivue la, Me yôhôl un je á mande shin inya; nahan imagh kia due sha; una gba man ne kpaa á tim ne kimi; man nea fa er Mo M lu TER ye.

Hosea 13:16

Samaria una ya ibo na, gadia a hendan a Aôndo na; á wua ve sha sanker, á ta anikundanev vev inya á her ve, á pav kasev vev mba ve lu iyav la iyav.

Amoshi 5:11

Er ne ndyaren icanor man ne sav alakema na, ne maa ayou a sha awen a kuan, kpa tsan yen ker ga; ne kaha ishule i ikon i wain i dedoo, kpa man yen zar u i ga.

Amoshi 6:8

Ter AÔNDO bum uma Na; TER, Aôndo u akum a Sha, ngu kaan nahan er: Iyolgengese i Yakob ndôhôr Mo ishima, M kôr ayou a na a tor ihom; nahan Me tôô gar ne man akaa a a lu kimi cii, Me na kera.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.

Habaku 3:13

U due sha ci u myom u ior Ou, sha ci u Un u i shigh Un mkurem la. U her ityough ki ya u ipila, U bugh imagh je, zan zan ar sha mon. Sela.

Mateu 24:2

Kpa Yesu kaa a ve er: Ne nenge akaa ne cii kpa? Mimi je M kaan ne ne, iwen i môm tsô kpaa i á de i i̱ lu sha igen ngi ga, á yôhôl a ca ca.