Mika 1:5 - ICIGHAN BIBILO

⁵ Ka sha ci u atindi a peren a Yakob man akaa ne cii a lu nahan ye, man sha ci u asorabo a ya u Iserael kpaa. Ka nyi i lu atindi a peren a Yakobo? Kera ka Samaria gaa? Man ajiir a taven sha a Yuda yee? Kera ka Yerusalem gaa?

Mika 1:5 Iomraidhean Croise

1 Utor 11:7

Solomon maa ijiir i taven sha i civir Kemoshi kwaghhôngorough u Moabi, kua Moleki kwaghhôngorough u Mbaamon kpaa, sha uwo u u lu sha ishigh ki Yerusalem la.

1 Utor 13:32

Gadia kwaghôron u a genger imo, a ôr sha imo i TER, a ter atse a nanden nagh sha mi, a Betel, kua utempel mba sha ajiir a taven sha cii, mba ve lu ken agar a Samaria la, mimi je una kure sha mi kpee.

1 Utor 16:24

A yam igungu u Samaria a Shemer sha utalenti mba azurfa uhar; a maa sha igungu la, a ii gar u a maa la, iti er Samaria, sha iti i Shemer u igungu lu u na la.

2 Kroniku 34:3

Gadia sha inyom i sha anigheni i tor na la, er a lu iyev la je, a hii u keren Aôndo u ter na Davidi; sha inyom i sha pue kar ahar la, a hii u wanger Yuda man Yerusalem sha ajiir a taven sha, man Asherim, man ieev mbi gban a gba, man mbi keren a ker la.

2 Kroniku 34:4

I hembe atse a nanden nagh sha mi a Ubaal, sha ishigh nagh je, man atse a nanden kwaghhumandoon sha mi la, a a lu sha a la, a gber a kera; a hembe Asherim man ieev mbi gban a gba kua ieev mbi keren a ker, a wua mbi, via, hingir vuwe, a urugh u sha iwar i mba yan ve na mbi nagh la.

Yesaia 7:9

Ityough ki Eferaim ka Samaria je, man ityough ki Samaria ka wan u Remalia je. Aluer nea na jighjigh ga yô, mimi je né tile dông ga.

Yeremia 2:17

Kera ka we man u ne iyol you kwagh ne, sha ci u u undu TER, Aôndo wou, zum u A hemen we sha gbenda la, gaa?

Yeremia 2:19

Iferkwagh you ia tsaha u, man mhirjime wou una yange u; fa man nenge, er ka kwagh u bo man u yuwan er u undu TER, Aôndo wou, man er mcie u cian Mo la, a kera lu ker a we ga yô, kape Ter A kaa ne, TER u akum a Sha.

Yeremia 23:13

M nenge a udangmbaakaav hen uprofeti mba Samaria: mba ôron kwagh pasen ken iti i Baal, ve na ior Av Iserael ve tsume gbenda.

Yeremia 23:14

Kpa ken uprofeti mba Yerusalem yô, M nenge a kwagh u ndôhôrshima; ka ve er idya, ve zenden sha aie, ve taver ave a mbaerenifer, je ma or môm u geman undun ifer i nan nan ngu ga; ve cii ve hingir Mo er Sodom nahan, man mba ve tem ken a na er Gomora yô.

Yeremia 4:18

Gbenda wou kua aeren a ou la, va u a akaa ne; ka ifer you ne; mimi je, kwagh ne yuwa, een, nyôr ken ishima je.

Yeremia 5:25

Afer a en bunde ne akaa angan kera man asorabo a en kpaa yange ne iveren i dedoo.

Yeremia 6:19

Ungwa, we tar, nenge, M ngu van a kwaghbo sha ior mban, ka atam a mbamhen vev je la; gadia ve ver ato sha akaaôron a Am ga, tindi wam kpaa, ve venda un.

Ukwelegh 5:16

Idyer i tor bugh se sha ityou, gba inya; kwagh tser se ve, gadia se er isholibo.

Esekiel 16:46

Wanngôu u tamen u kwase ka Samaria, u a tema ken uwegh ough ku imesegh la, un a ônov nav mba kasev; man anngôu u kiriki u kwase, u a tema ken uwegh ough ku yanegh la, ka Sodom ma ônov nav mba kasev.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Amoshi 6:1

Kwagh á tser ve mba ve tem ken Shion ve hee iyol inya, man mba ve tem sha uwo u Samaria bem bem, ashagbaior a ken nongo u hemban ken akuraior cii, ka ve mba ya u Iserael a ve her a ve la!

Amoshi 7:9

ajiir a taven sha a Isaka la, aa hingir atse, man uicighanmbaajiiriv mba Iserael la kpaa, vea yôhôl; Me mough Me ta num sha ya u Yerobiam sha sanker.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Mika 1:13

Zer nen anyinya a yevese tsung la ikyekye i utya, ne mba ne tem ken Lakishi; ka un a lu ityôkwagh i mhii u isholibo i wankwase u Shion ye; gadia ka ken a we i zough a atindi a peren a Iserael ye.