Mika 1:3 - ICIGHAN BIBILO

³ Gadia, nenge, TER ngu duen hen ijiir Na, Una hungwa, Una ndyar sha ajiir a taven sha a tar la.

Mika 1:3 Iomraidhean Croise

Yobu 40:12

Kenger hanma or u nan gengese iyol yô, hire a nan ijime; ndyar mbaaferev hen inya henpe ve til la.

Upasalmi 115:3

Aôndo wase yô, ngu Sha, ka A er hanma kwagh u i doo Un u eren yô.

Yesaia 25:10

Gadia ka sha uwo ne uwegh ku TER kua mem ye, kpa á ndyar Moabi hen ijiir na, er ka i ndyar ayer shin mngerem ma ihungwa i uihôgh nahan.

Yesaia 26:21

Gadia nenge, TER ngu duen hen ijiir Na sha u tsahan mba ve tem sha won sha afer a ve; tar kpaa ua tese awambe a i hee sha u yô, ua kera cir mba i woo sha u la ga.

Esekiel 3:12

Tsô Jijingi kendem sha man m ungwa ihuran i iov i vesen ken ijime yam i gba kaan er: I̱ wuese icivir i TER hen ijiir Na i teman.

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Amoshi 9:5

Gadia Ter AÔNDO u akum a Sha, ka Un u ka A bende a tar ve, u sough ne, man mba ve tem sha mi cii ve zungwe; u cii, u mough er ifi u Nil nahan, shi u songor er ifi u Igipiti nahan;

Habaku 3:19

AÔNDO, Ter, ka agee am, A gema angahar a am hingir er a ashim yô, a erem m zende sha ajir a am a taven sha. Ka sha ci u orhemen u mbawanatsam; mba koho mbaadiguve sha mi.

Sekaria 14:4

Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Duteronomi 32:13

A er un a unde sha ajiir a taven sha a tar, a ya iyiagh ki ken sule; A er un a suse iyough ken vande man mkurem kpaa ken vande u taver.

Duteronomi 33:29

Saan we iyol Iserael, ka an nan lu er we nahan? ikurior i TER A yem i perutya u iwasen you, man sanker u mhembe wou; mbaihomov ou vea var u inya, we, ú ndyar sha ajiir a ve a taven.