Mbaromanu 9:4 - ICIGHAN BIBILO

⁴ Ve yô, ka Mbaiserael, ka ve ve lu a mlu u uôn man iengem man uikurmbayan man atindi a i na la, man tom u civir Aôndo man uityendezwa kpaa ye.

Mbaromanu 9:4 Iomraidhean Croise

Genese 15:18

Ka sha iyange la man Aôndo ya ikur a Aberam ye. Ka tsombor wou je, Me na u tar ne ye, hii hen ifi u Igipiti zan zan za ar hen zegeifi, ka ifi u Uferati je la:

Genese 17:10

Ingin ka ikuryan Yam i né waan i iko hen atô Wam a we man tsombor wou ken ijime you ne: I̱ tsôngon hanma wannomso wen.

Genese 17:2

Mo kpaa, Me ver ikyuryan Yam her atô Wam a we, Me seer we iyenge kpishi.

Genese 17:7

Me taver ikyuryan Yam hen atô Wam a we kua tsombor wou u ken ijime you zan zan sha ikov ikov cii, i̱ lu ikuryan i tsôron; Me lu Aôndo wou kua u tsombor wou ken ijime you.

Genese 32:28

Nan kaa er: Á kera yilan we iti er Yakob ga, kpa á yilan we er Iserael, gadia u nôngo wav a Aôndo kua ior, u hemba kpaa.

1 Utor 8:11

je upristi kera fatyô u tilen eren tom ga sha ci u ibeenegh kila; gadia iengem i TER iv ken iyou i TER la.

Nehemia 13:29

Umbur ve Aôndo wam, gadia ve hôngor tom u upristi kua ikuryan i upristi man i Mbalevi.

Upasalmi 147:19

A tesen Yakob mkaanem Nam, man Iserael kpaa akaawan a Na man ajir a Na a ôron.

Upasalmi 63:2

Kape m lu kenger We ken icighanjiir la, sha u me nenge agee Ou man iengem You kpaa.

Upasalmi 73:1

Mimi je, Aôndo eren dedoo a Iserael, a mba ve lu a asema a wang yô.

Upasalmi 78:61

A na agee a Na ken uikangen, man iengem Na kpaa ken ikev i or u ahendanegh.

Upasalmi 89:3

M ya ikur a u M tsough un la, M bum a wanakiriki Wam, Davidi Mer:

Upasalmi 89:34

Me bunde ikuryan Yam ga, kwagh u a dughum ken zwa kpaa una gema kposo ga.

Upasalmi 90:16

Tom Wou ma u dugh ken igbar hen mbayev Ou, man iengem You kpaa sha ônov vev.

Ekesodu 12:25

Nahan zum u né va ken tar u TER Una na ne, er A vande tôndon zwa la yô, waan nen iko u̱ eren kwagh ne.

Ekesodu 34:27

TER shi kaa a Mose er: Nger akaaôron ne; gadia ka sha akaaôron ne M ya ikur a we kua Iserael kpaa ye.

Ekesodu 4:22

Man kaa a Farao wer: TER kaa nahan er: Iserael ka wan Wam u iunda je.

Ekesodu 40:34

Tsô ibeenegh va cir tenti u kohol ker la; iengem i TER kpaa iv ken tabernakel.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 46:3

Ver ato her a Mo, we ya u Yakob, man asande a hen ya u Iserael a a shi her la, ne mba M tee ne, hii sha mmar wen je, mba M tee ne hii ken uya je;

Yesaia 5:2

a kaha u, a sange awen ken u kera, a lôô ikon i wain i hemban doon cii ker, a maa gôgôyou u taven her atô u u, man a time ihungwa i shoghol wain shimi, A ver ishima er ua ume atam a wain a dedoo, kpa u gema u ume atam a bo.

Yesaia 60:19

Iyange ia kera lu iwanger you atetan ga; shin mte u uwer kpaa una kera lu u iwanger you ga, kpa TER Una gema á lu iwanger you i tsôron man Aôndo wou kpaa Una lu icivir you.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Yeremia 31:9

Vea va a mliam ashe je, man ka sha mzamber Me hide a ve ye. Me va a ve hen ukungômbamngerev, sha gbenda u nôô, henpe vea ta nguhar kera ga yô; gadia Mo M ngu Iserael ter je, man Eferaim ka wan Wam.

Esekiel 1:28

Lu er mluashe u ikume ken ibeen sha iyange i ura u nee yô, kape mluashe u iengem i i kase i tser la, i lu la. Kape m-ande u mluashe u icivir i TER a lu la. Zum u m nenge a mi yô, m gba, m kuma ityough inya, man m ungwa imo i or, lu ôron kwagh.

Hosea 11:1

Zum u Iserael lu wanye yô, a doom ishima; ka ken Igipiti man M yila wan wam kpaa ye.

Numeri 7:89

Zum u Mose nyôr ken tenti u kohol ker la, sha u ôron kwagh a Na yô, a ungwa Imo lu ôron kwagh a na sha ijiir i nan iwom her i i lu sha areki u shiada hen atô u ucerubi uhar la; tsô A ôr kwagh a na.

Mateu 21:33

Ungwa nen injakwagh igen ne: Orya ugen er sule u wain, wa u gar, time ihungwa i shoghol wain ker, shi maa gôgôyou u taven sha sha u kuran u kpaa, tsô a gema u a na sha ikev i mbashirensule sha tôndo, maa a mough a yem tar ugen.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 1:47

Tsô Yesu nenge Natanael ngur van her a Na yô, A ter un a kaa er: Nenge, mimi je, ka or u Iserael u ma icugh i lu ken a na je ga yô.

Aerenakaa A Mbaapostoli 2:39

Gadia ityendezwa ngi sha ci wen kua ônov enev man mba ve lu ken ica la cii kpaa, ka mba Aôndo Ter wase Una yila ve er ve̱ va her a Na la cii.

Mbaromanu 3:2

Ngi a inja kpe kpe, sha igbenda kposo kposo kpaa. Kwagh u hiihii yô, i na ve akaaôron a Aôndo sha ikev.

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbaromanu 9:6

Kpa unguer kwaghôron u Aôndo hingir gbilinkwagh ga, gadia mba ve lu ken Iserael la ka ve cii ve lu Iserael ga.

2 Mbakorinte 11:22

Ve ka Mbaheberu? Mo kpaa ka nahan. Ve ka Mbaiseraele? Mo kpaa ka nahan. Ve ka tsombor u Aberahama? Mo kpaa ka nahan.

Mbagalatia 3:16

Ka Aberaham man i tende zwa a na ye kua vor na. I kaa er “vor imôngo” ga, inja na yô, ka kpishi ga, kpa ngu môm tseegh er, “man shi vor wou”, inja na yô, ka Kristu je la.

Mbaefese 2:12

Shi umbur nen er ken shighe la ne lu paleghaa a Kristu je, ne lu a kwar ken nongo u Iserael ga, ne lu mba ken inya sha kwagh u uikurmbayan mba sha ityendezwa, ne lu a ishimaverenkeghen ga, ne lu a Aôndo shin tar kpaa ga.

Duteronomi 14:1

Ne mba ônov mba TER, Aôndo wen, je; nahan yô, de gberen nen avav iyol ga, shi de torough nen ityough hen icul sha ci u or u nan kpe ga.

Duteronomi 29:1

Angan ka akaaôron a ikuryan i TER kaa Mose er a̱ ya i a Mbaiserael ken tar u Moabi, seer sha ikuryan i A ya a ve hen Horebi la.

Duteronomi 29:14

Man ka ne tseegh, M ya ikur ne a ven tseegh ga, shi M bum a ven tseegh kpaa ga;

Duteronomi 31:16

Tsô TER kaa a Mose er: Nenge, yaven you a uter ou imôngo; ior mban vea mough vea er idya sha u dondon mbaaôndo mba hev mba hen tar u ve lu zan sha u vea za tema ken u la, vea gbihim kera vea vihi ikuryan Yam i M ye a ve ne.

Duteronomi 4:13

Man A pase ne ikuryan Na, i A kaa er ne̱ er sha mi la, ka Atindiakaa a pue la; shi A nger a sha ikpande i awen ihiar.

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

Mbaheberu 9:1

Ikuryan i hiihii la kpaa lu a atindi a sha tom u civir Aôndo la, man shi lu a icighanjiir u shin tar kpaa.

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.

Mbaheberu 9:3

Ken ijime i ikondo i yisan i sha uhar la yô tabernakel lu; i yilan un er icighankpar u hemban cii,

Mbaheberu 9:5

Kughur na yô ucerubi mba iengem lu sha mi. Ve gba mure sha ijiir i nan iwom la. A fatyô u ôron kwagh sha akaa ne vighe vighe hegen ga.

Mbaheberu 9:6

Er i sôr akaa angan bee yô, upristi mba ve eren tom u civir Aôndo la ve nyôron kpar u sha hunda hunda la gbem.