Mbaromanu 9:11 - ICIGHAN BIBILO

¹¹ Kpa er i lu a mar ve ga la je, ve lu a er kwagh u bo shin u doon kpaa ga, lu sha u awashima u Aôndo sha mtsough u Una tsuwa ve la a lu her,

Mbaromanu 9:11 Iomraidhean Croise

Upasalmi 51:5

Shi nenge, i marem ken ifer, ka ken isholibo je, ngôm wa iyav av ye.

Yesaia 14:24

TER u akum a Sha bum kaa er: Mimi je, er M hen nahan, kape á er la; man er M ver ishima nahan, kape á lu la;

Yesaia 23:9

TER u akum a Sha, ka Un A we ishima sha u vihin iyolgengese i icivir la cii, sha u heen mbaciviriv mba sha won cii ye.

Yeremia 51:29

Nahan tar ngu tenger, ngu zômon iyol sha mnyoon; gadia awashima u TER sha Babilon la ngu her taveraa sha u geman tar u Babilon u̱ hingir ice, ma or nana kera tema ker ga.

Mbaromanu 4:17

Kape i vande ngeren kpaa la er, M ver u ter u akuraior cii. Lu sha ishigh ki Aôndo u a na Un jighjigh la er Un ka Aôndo u nderen mbakpenev shi A yer akaa a a lu ga la er a̱ lu yô.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 2:9

Ka sha tom u eren ga, sha er ma or nana̱ de te ihagh ga.

Mbaefese 3:11

ka sha awashima Na u tsôron u A kure ken Kristu Yesu Ter wase la.

1 Mbatesalonika 1:4

Gayô, se fa mtsough wen, ne anmgbianev mba ne doo Aôndo ishima.

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

2 Peteru 1:10

Nahan yô, anmgbianev, shi seer nôngon nen u taver a taver myila u i yila ne la man mtsough u i tsough ne la, gadia aluer ne er nahan yô, né kera nôngo gbev mayange ga.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.