Mbaromanu 8:3 - ICIGHAN BIBILO

³ Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

Mbaromanu 8:3 Iomraidhean Croise

Numeri 21:9

Tsô Mose ker iyô i togula, hambe i sha ityô; nahan or u iyô i nyom nan nan kenger sha iyô i togula la yô, nan war je.

Numeri 28:22

man kpev môm sha ci u nagh ku isholibo, sha u nan iwom sha ci wen.

Marku 15:27

Shi ve mande mbanumungbenda uhar a na imôngo, u môm ken uwegh Nagh ku yanegh, u môm ken imese.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 9:24

Tsô ve shi ve yila un u a vande pirin ashe la myer u sha kwa har, ve kaa a na er: Civir Aôndo! Se yô, se fa Or ne ka orisholibo je.

Aerenakaa A Mbaapostoli 13:39

man shi ka her a na kpaa man hanma or u nan ne jighjigh yô, á na nan ishô sha akaa cii a ne fetyô u zuan a ishô sha mi ken atindiakaa a Mose la ga ye.

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Mbaromanu 6:6

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

Mbaromanu 9:3

Mo yô guda u ma i wem ifan ma i pavem a Kristu sha ci u anmgbianev av mba ve lu ityô yam ken iyol la.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbagalatia 3:21

Nahan yô, tindi ngu hendan a uityendezwa mba Aôndo shinii? Mayange ga. Gadia aluer a ne tindi u una fatyô u nan uma yô, perapera ma a dugh ken tindi je.

Mbafilipi 2:7

kpa A gema iyol Na hingir gbilin er A tôô mlu u ortom, A hingir kwagh môm a ior la.

Mbaheberu 10:12

Kpa Un yô, A va na nagh môm tseegh sha ci u asorabo, maa A za tema sha uwegh ku yanegh ku Aôndo gbem.

Mbaheberu 10:14

Gadia ka sha nagh môm je A gema mba i lu tseghan ve la, ve hingir vough gbem ye.

Mbaheberu 2:14

Er ônov ve zough sha inyam man awambe cii yô, kape Un kpaa A nyôr nongo a ve sha kwagh la, sha er ka sha ku man Una vihi agee a un u a lu a tahav mbu kuugh la kera ye, ka diabolo je la,

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.

Mbaheberu 4:15

Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.