Mbaromanu 8:23 - ICIGHAN BIBILO

²³ Man ka a tseegh ga, se mba se lu a iyiagh ki tsutswagh ki Jijingi ne kpaa se mba kinen ken avanger a ase se mba keghen mrumun u á va rumun se sé lu ônov la, ka mpaa u ayol a ase je la.

Mbaromanu 8:23 Iomraidhean Croise

2 Kroniku 31:5

Fese nahan, er imo la i samber yô, Mbaiserael na iyiav mbi tsutswav mbi alakema man wain man mkurem man iyough man shi akaa a a lu ken ikôngo cii; ve va a môm-ken-upue u hanma kwagh cii; ve va a mi kpishi.

Luka 20:36

Gadia vea kera fatyô u shi kpen mayange ga, gadia ka ve lu er mbatyomov mba Shaav nahan, er ônov mba Aôndo je nahan sha ci u ve lu ônov mba mnder u shin ku yô.

Luka 21:28

Kpa er akaa angan aa hiin u eren yô, nenge nen sha, kende nen ityouv sha, gadia mpaa wen mgbôghom ve.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

Mbaromanu 5:3

Man ka nahan tseegh ga, shi se mba wuese ken atsan ase a yan kpaa, gadia se fa ican i yan i ne ishimataver,

Mbaromanu 5:5

Man ishimaverenkeghen yô, i ve ahenge ga, gadia i haa dooshima u Aôndo ken asema ase sha Icighan Jijingi u i ne se la.

Mbaromanu 7:24

Kpe ahii, mo or u gban kera ne! Ka an nana shi yimam sha ikev i iyol i kuugh nee?

Mbaromanu 8:19

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

1 Mbakorinte 1:7

nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la,

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

2 Mbakorinte 7:5

Gadia zum u se va nyôr ken Masedonia yô, iyol yase zua a ma mmem ga, se ya ican sha hanma kwagh cii: ken won yô, lu num, ken vanger yô gema lu mciem.

Mbagalatia 5:5

Kpa se yô, ka sha Jijingi kua sha jighjigh u nan man se lu keghen ishimaverenkeghen i perapera ye.

Mbaefese 1:14

Ka Un man A lu ibumun u dyako wase er Una paa ior mba ve lu kwagh Na jim sha ci u icivir i iengem Na ye.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:8

Mase shin tsar u mhembe u perapera u i verem, u Ter Una nam sha iyange la yô, man ka mo tseegh ga kpa ka mba m-ande Na a doo ve la cii.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.