Mbaromanu 8:19 - ICIGHAN BIBILO

¹⁹ Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

Mbaromanu 8:19 Iomraidhean Croise

Yesaia 65:17

Gadia, nenge, M ngu gban Usha u he man tar u he kpaa; á kera umbur akaa a tsuaa la ga, man shi aa kera va or ken ishima kpaa ga.

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Mateu 5:9

Saan mba ve ker num la iyol, gadia á yila ve er, ônov mba Aôndo.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

Aerenakaa A Mbaapostoli 3:21

Un yô, lu u ma i ngohol Un Sha keng, zan zan ar sha ashighe a sôron akaa cii, er Aôndo vande ôron a uicighanmbaprofeti Nav mba tsuaa, ve gema ve ôr ior la.

Mbaromanu 8:14

Ve mba Jijingi u Aôndo A hemen ve la cii, ka ônov mba Aôndo je la.

Mbaromanu 8:16

Ka Jijingi iyol Na A lu eren shiada vea jijingi wase imôngo er, se mba ônov mba Aôndo ye.

Mbaromanu 8:18

M fa, atsan a se ye shighe u ainge ne a kuma sha iengem i á va pase se la ga.

Mbaromanu 8:23

Man ka a tseegh ga, se mba se lu a iyiagh ki tsutswagh ki Jijingi ne kpaa se mba kinen ken avanger a ase se mba keghen mrumun u á va rumun se sé lu ônov la, ka mpaa u ayol a ase je la.

Mbaromanu 9:26

Man ka ken ijiir i i kaa a ve er: Ne mba nongoior Wam ga, la je á yila ve er: Ônov mba Aôndo u uma, ye.

1 Mbakorinte 1:7

nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la,

1 Mbakorinte 1:8

u Una taver ne zan zan mkur sha u né kera lu a acôghol iyol sha iyange i Ter wase Yesu Kristu la ga yô.

2 Mbakorinte 6:18

Me lu Ter wen, ne di né lum ônov mba nomso man ônov mba kasev, kape Ter Uhembanagee, A kaa la.

Mbagalatia 3:26

Gadia ne cii, ne mba ônov mba Aôndo sha jighjigh u nan ken Kristu Yesu.

Mbafilipi 1:20

er m keghen tsung shi m veren ishima kpaa mer, ma m ye kunya sha kwagh môm môm ga, kpa i̱ civir Kristu ken iyol yam vangertiôr je hegen kpaa er i vande lun keke ne nahan, shin a lu sha uma, shin a lu sha ku kpaa.

Mbakolose 3:4

Zum u Kristu u A lu uma wase la Una va ande yô, ne kpaa á ande a ven a Na imôngo ken iengem.

Mbaheberu 12:27

U kaan er, “shi kwa môm” yô, tese sha mkar u á va kar a akaa a a fetyô u tenger la kera, ka akaa a i gbe a je la, sha u akaa a a fetyô u tenger ga la yô, a̱ lu her.

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.