Mbaromanu 8:15 - ICIGHAN BIBILO

¹⁵ Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbaromanu 8:15 Iomraidhean Croise

Ekesodu 20:19

Ve kaa a Mose er: We, gba ôron kwagh a vese tsô, kpa sé ungwa; i̱ de luun Aôndo A̱ ôron kwagh a vese ga, er sé kpe ga yô.

Yesaia 56:5

Ka ken iyou Yam man ken atô u ukpekpe Av Me ver ve ikav i umbur ve, man iti i i hembe doon a ônov mba nomso kua mba kasev kpaa ye; Me na ve icôronti u una bee mayange ga yô.

Yeremia 3:19

Mo M kaa Mer: Me wa u ken uôn, man Me na u tar u doon, dyako u hemban doon cii u akuraior! Shi M kaa Mer: Wea yilam wer: Terem; man wea kaha ú undum kpaa ga.

Numeri 17:12

Tsô Mbaiserael ôr kwagh a Mose kaa er: Nenge, se mba kpen, se mba timin, se cii se mba timin.

Mateu 25:25

Yô, mo m cia a yagh, m za yer talenti wou ne shin inya; ngohol a you kwagh wou.

Marku 14:36

A kaa er: Aba, Tere! Akaa cii U fa a ityô; tôôm iyongo ne kera, nahan kpaa i̱ de eren sha ishima Yam ga, kpa i̱ er sha ishima You.

Luka 11:2

A kaa a ve er: Zum u nea eren msen yô, kaa nen ner: Tere, i̱ tsegha iti You; tartor Wou u̱ va.

Luka 22:42

A kaa er: Tere! Wea rumun yô, tôôm iyongo ne kera, nahan kpa ka ishima Yam ga, i̱ lu ishima You i̱ er ye.

Luka 8:28

Zum u a nenge a Yesu yô, a gbidye vaa, a gba Un sha ishi, a genger imo taver taver er: Ka nyi i zoughom a we Yesu, Wan u Aôndo Uhembansha? M ngu zamber a We, de eren mo ican ga.

Luka 8:37

Ior mba hen iningirtar u Gerasene cii, ve zamber a na er, A̱ mough hen ve kera, gadia zegemcie gba ve iyol, nahan a nyôr ken tso, A hide.

YOHANE 16:8

Zum u Una va yô, Una pase tar kwagh u isholibo man kwagh u perapera kua u ijirôron kpaa;

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

Aerenakaa A Mbaapostoli 16:29

A yila er i̱ va a iwanger; tsô a tsuwe a nyôr, a gba gbidyen ikarikase iyol sha mcie, a gba inya sha ishigh ki Paulu man Shila.

Aerenakaa A Mbaapostoli 2:37

Tsô, zum u ve ungwa kwagh ne nahan yô, sôô ve ken ishima, nahan ve kaa a Peteru kua mbaapostoli mbagenev er: Ne anmgbianev, tsô sé er nana?

Mbaromanu 8:16

Ka Jijingi iyol Na A lu eren shiada vea jijingi wase imôngo er, se mba ônov mba Aôndo ye.

Mbaromanu 8:23

Man ka a tseegh ga, se mba se lu a iyiagh ki tsutswagh ki Jijingi ne kpaa se mba kinen ken avanger a ase se mba keghen mrumun u á va rumun se sé lu ônov la, ka mpaa u ayol a ase je la.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Mbaromanu 9:4

Ve yô, ka Mbaiserael, ka ve ve lu a mlu u uôn man iengem man uikurmbayan man atindi a i na la, man tom u civir Aôndo man uityendezwa kpaa ye.

1 Mbakorinte 2:12

Kpa se yô, ka jijingi u taregh se ngohol ga, kpa ka jijingi u A dugh her Aôndo la, sha u se̱ fa akaa a Aôndo A ne se sha mhôôn yô.

2 Mbakorinte 11:4

Gadia aluer orgen nana va nana va pase kwagh u Yesu ugen kposo, ka u se vande pasen ne un la ga, shin aluer ne ngohol jijingi ugen kposo, ka u ne vande ngohol la ga, shin né ngohol ivangeli igen kposo, ka i ne vande ngohol la ga yô, kpa ne gba rumun tsô.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbagalatia 5:1

Ka sha u se̱ de luun ken uikangen ga, man Kristu pase se tuhwa ye. Nahan yô, tile nen dông, i̱ de kera shi wan ne igbur i ikpan ga.

Mbaefese 1:5

A vande veren se sha u Una rumun se ye, se̱ lu ônov Nav ken Yesu Kristu, sha mwe u A wa ishima la ye,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:7

Gadia ka jijingi u cian kwagh, Aôndo a ne se ga, kpa ka u ageegh man u dooshima man u kôron iyol tsaha.

Mbaheberu 2:15

man sha er Una pase ve cii Una tuhwa, ka ve mba ve lu ken uikangen sha mciem ma kuugh la er i mar ve la je.

Yakobu 2:19

U na jighjigh wer, Aôndo ngu môm zee? U er doo. Ujijingi mba bov je kpaa mba ne kwagh la jighjigh, ikarikase gem gbidi ve iyol.

1 Yohane 4:18

Ken dooshima yô, mciem ma ga; kpa dooshima u vough yô, dughun mciem kera, gadia mciem ma luun a mtsaha; u nan cie yô, nan hingir vough ken dooshima ga.