Mbaromanu 8:11 - ICIGHAN BIBILO

¹¹ Kpa aluer Jijingi u Wen u A nder Yesu shin mbakpenev la Una tema ken ven yô, Wen u A nder Yesu shin ku la Una na ayol a en a á va kpen la uma sha Jijingi Na u A tem ken ven la.

Mbaromanu 8:11 Iomraidhean Croise

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Esekiel 37:14

Tsô Me er Jijingi Wam ken a ven, man né lu uma, Me ver ne ken tar wen kpaa; nahan né fa er Mo TER M kaa nahan man shi M er sha mi kpaa yô, kape TER A kaa ne.

YOHANE 14:17

ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

YOHANE 5:21

Gadia er Ter A nderen mbakpenev A ne ve uma nahan, kape Wan kpaa mba A we ishima u nan ve uma yô, A ne ve uma je la.

Aerenakaa A Mbaapostoli 2:24

kpa Aôndo nder Un, A sagh mnyoonom ma kuugh kera sha ci u u fetyô u kusun Un ga yô.

Mbaromanu 16:10

Sugh nen Apele u i rumun un ken Kristu la nam nen. Shi sugh nen mba ve lu ken ya u Aristobulu kpaa nam nen.

Mbaromanu 16:3

Sugh nen Prishila man Akula, nam nen, ka mbaerentom a mo imôngo ken Kristu Yesu.

Mbaromanu 16:7

Sugh nen Anderoniku man Yunia mba ve lu ityô yam shi ve lu mbakwarev a mo imôngo kpaa la.

Mbaromanu 16:9

Sugh nen Urbanu u a lu ortom a mo imôngo ken Kristu man Setaku or u doon mo la kpaa, nam nen.

Mbaromanu 6:12

Nahan yô, isholibo i̱ de kera ye tor ken iyol yen i va kpen la sha u né ungwa imo i asaren a i la ga,

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Mbaromanu 8:12

Nahan yô, anmgbianev se mba mbayananzô kpa ka sha kwagh u iyolough er shi sé lu uma sha inja i iyolough nahan ga.

Mbaromanu 8:2

Gadia tindi u Jijingi u uma u a lu ken Kristu Yesu la pase u tuhwa sha ikev i tindi u isholibo man u kuugh la.

Mbaromanu 8:9

Kpa ne yô, ne mba ken iyol ga, ka ken jijingi ne lu ye aluer Jijingi u Aôndo tema ken a ven yô. Kpa aluer or nana lu a Jijingi u Kristu ga yô, nan ngu u Na ga.

1 Mbakorinte 15:16

Gadia aluer mba nderen mbakpenev ga yô, Kristu kpaa i nder Un ga je ve.

1 Mbakorinte 6:14

Aôndo nder a Ter shin ku, se kpaa Una nder a vese sha agee a Na.

2 Mbakorinte 4:11

Er se lu uma ne yô, mba nan se ken ku gbem je sha ci u Yesu, sha er uma u Yesu kpaa, i̱ tese un gbar gbar ken iyol yase i va kpen kera ne.

2 Mbakorinte 4:14

Gadia se fa, Un u A nder Ter Yesu yô, se kpaa, Una nder se a Yesu imôngo man Una ver se a ven imôngo sha ishigh Nagh.

2 Mbakorinte 5:4

Se mba se lu ken tenti her yô, se mba toghor iyol, kwagh tsule se, sar se pe i̱ bugh se ikondo kera ga, kpa i̱ hemba cirin se a cir i iyol, sha u uma a̱ gema a̱ mena kwagh u a lu u kpen kera la.

Mbagalatia 6:8

Gadia or u nana lôô ken Jijingi yô, shi ka di sha Jijingi nana sunda uma u tsôron ye.

Mbaefese 2:5

er se lu kpenegh ken gbev mbu nôngon la ye, ka sha mrumun u sha mhôôn i yima ne ye,

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

Mpase U Yohane 1:18

shi M ngu uma; lu M kpe, kpa nenge, shi M ngu uma gbem sha won, man M ngu a ishindan i kuugh man i Hade kpaa.

Mpase U Yohane 11:11

Kpa ayange nga kar atar man tiôn yô, iôôn i uma i Aôndo nyôr ken ve, maa ve mough ve tile sha sha angahar a ve, zegemcie gba sha mba ve nenge a ve la.