Mbaromanu 8:10 - ICIGHAN BIBILO

¹⁰ Kpa aluer Kristu Una lu ken ven yô, iyol ia lu kpenegh sha isholibo kpa jijingi yô una lu uma sha perapera.

Mbaromanu 8:10 Iomraidhean Croise

Levitiku 13:40

Aluer ice i or la ia tsor nan sha ihaghtyo yô, nan kpur ityough; nan ngu wang.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 15:5

Mo M ngu kon u wain, ne mba agbaa; or u nan luun ken a Mo Mo kpaa M luun ken a nan yô, ka nan ume atam kpishi; gadia a lu Mo ga yô, ne fatyô u eren ma kwagh ga.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 6:54

Or u nan ye iyol Yam, shi nan me awambe Am yô, nan ngu a uma u tsôron; Me nder nan sha iyange i masetyô.

YOHANE 6:56

U nan ye iyol Yam shi nan me awambe Am kpaa yô, nan ngu ken a Mo, Mo kpaa M ngu ken a nan.

Mbaromanu 5:12

Nahan yô, er isholibo nyôr shin tar sha or môm, man ku gema va sha ci u isholibo yô, nahan ku va sha ior cii sha ci u ve cii ve er isholibo yô.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 8:11

Kpa aluer Jijingi u Wen u A nder Yesu shin mbakpenev la Una tema ken ven yô, Wen u A nder Yesu shin ku la Una na ayol a en a á va kpen la uma sha Jijingi Na u A tem ken ven la.

1 Mbakorinte 15:45

Kape i nger kpaa la er: Or u hiihii la, Adam, hingir or u uma. Adam u masetyô la hingir jijingi u nan a na uma.

2 Mbakorinte 13:5

Kar nen ayol a en sha u né fa aluer nea lu ken jighjigh u nan yô, time nen ken ayol a en. Ne kera fa er Yesu Kristu A lu ken a ven gaa? Saa nea yina ikaren tsô.

2 Mbakorinte 4:11

Er se lu uma ne yô, mba nan se ken ku gbem je sha ci u Yesu, sha er uma u Yesu kpaa, i̱ tese un gbar gbar ken iyol yase i va kpen kera ne.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbafilipi 1:23

Asema hingir mo ahar. Sarem ka yemen za lun vea Kristu, gadia nahan hemba doon yum.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

1 Mbatesalonika 4:16

Gadia Ter iyol Na Una sen Sha sha ikenge i kaan, sha imo i ortyom u tamen, sha mkaa u ikpamkor i Aôndo, tsô mba ve kpe ken Kristu la vea vande nderen.

Mbaheberu 12:23

man mkohol u mbaiundav mba i nger ve ati Sha, man Aôndo, Orjir u akaa cii, man ujijingi mba mbaperapera mba i gema ve ve hingir vough la,

Mbaheberu 9:27

Er i ver ior u kpen kwa môm man á mase ôron ijir yô,

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.