Mbaromanu 7:7 - ICIGHAN BIBILO

⁷ Nahan sé kaa nana? Atindi gema ka isholiboo? Mayange ga. Luun sha atindi ga yô, ma m fe isholibo ga, gadia aluer tindi una kaa er, de tem ga, ga yô, ma m fe mtôm ga.

Mbaromanu 7:7 Iomraidhean Croise

Genese 3:6

Tsô zum u kwase la nenge er kon la u doo u yan, man shi er u doo ashe kpaa, man u lu kwagh u saren sha u nan or kwaghfan yô, a zôr atam a u, a ya, shi a na nom na, u lu vea na la, un kpaa ya je.

2 Samuel 11:2

Tsô er iyange i bee yô, Davidi mough sha gambe na gba zenden sha tembeyough u sha u tor; a ta ashe sha tembeyough u sha la, a nenge kwase lu ôôn iyol; kwase la doo ashe tsung.

Upasalmi 119:96

M nenge ikighir i hanma kwagh u vough cii, kpa tindi Wou yô, gbangese kpishi.

Ekesodu 20:17

De tem ya u or u wan ndor a we ga, shi de tem kwase u or u wan ndor a we ga, shin or u shiren nan tom, shin kwase u eren nan tom, shin bua u nan, shin jaki i nan kpaa, kwagh môm môm u a lu u or u wan ndor a we yô, de tem ga.

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Mateu 5:28

Kpa Mo yô, M kaan ne ner hanma or u nana kenger kwase sha u nana tôm un yô, nan er idya a na ken ishima je ve.

Luka 12:15

Tsô A kaa a ve er: Ver nen ishima, kura nen ayol a en sha hanma hua; gadia ka sha u ngeen a akaa kpishi la man or nana lu a uma ga.

Luka 20:16

Una va, una va tim mbashirensule mbala kera, una gema sule la una na ior mbagenev. Mba ongo nahan yô, ve kaa er: I̱ de lu nahan ga!

Aerenakaa A Mbaapostoli 20:33

M tôm azurfa u or ga, shin zenaria shin akondo a nan kpaa ga;

Mbaromanu 13:9

Gadia atindi a a kaa er: De eren idya ga, de woo or ga, de iin ga, de tem ga, man hanma tindi ugen kpaa i fiir a cii ken kwaghôron môm ne er, or u nan we ndor a we yô, nana̱ doo u ishima er we iyol you nahan.

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Mbaromanu 3:5

Kpa aluer ifer yase i gema i tese perapera u Aôndo yô, shi sé ôr nana? M gbe ôron sha inja i or tsô. Aôndo ka Una haa iyugh Na sha a vese yô, A kera lu u perapera ga shinii? Mayange ga.

Mbaromanu 4:1

Tsô sé kaa nana? Aberaham ter wase u tamen sha mlu u iyolough la, zua a nyi?

Mbaromanu 4:15

Gadia tindi ve a iyugh kpa ape tindi a lu ga yô, mper u tindi kpaa ngu ga.

Mbaromanu 5:20

Atindi yô, gema nyôr sha mi sha u tindi u peren a̱ ngee. Kpa her ape isholibo i ngee yô, mrumun u sha mhôôn hemba ngeen cii.

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Mbaromanu 7:11

Gadia er isholibo i zough a ian sha tindi yô, i tsume a mo i wuam sha mi kpaa.

Mbaromanu 7:13

Nahan yô, kwagh u doon la gema hingir ku wam shinii? Mayange ga. Kpa lu isholibo je i gema kwagh u dedoo la hingir ku wam ye, lu sha u i̱ pase isholibo ken igbar er ka isholibo je man sha u tindi a̱ gema isholibo i̱ hingir kwagh u bo yum yô.

Mbaromanu 7:5

Zum u se lu uma ken iyol la yô, asaren a bo a atindi lu kpoghol a la, a lu eren tom ken alegh a ase sha u umen atam sha ci u kuugh.

Mbaromanu 7:8

Kpa isholibo gema zua a ian sha tindi, i nder mbamtôm ken mo kposo kposo. Gadia atindi aa lu ga yô, isholibo ma i lu kpenegh.

1 Mbakorinte 15:56

Soho u kuugh yô, ka isholibo man agee a isholibo gema ka tindi.

Mbaefese 5:3

Kpa idya man hanma inja i hôngorough kua hua u eren yô, u teren tsô kpaa, de teren her a ven ga er i kom uicighanmbaiorov yô.

Duteronomi 5:21

Man shi de tem kwase u or u wan ndor a we ga; man shi de tem ya u or u wan ndor a we ga, shin sule u nan, shin or u shiren nan tom, shin kwase u eren nan tom, shin bua u nan, shin jaki i nan, hanma kwagh u a lu u or u wan ndor a we kpaa, de tem ga.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

1 Mbatesalonika 4:5

I̱ de luun sha ishima i kenden i isharen i bo er atôatyev a a fe Aôndo ga la nahan ze.

Mbaheberu 7:19

tindi sôr ma kwagh hingir vough ga. Vegher ugen yô, i nyôr a ishimaverenkeghen i hemban doon ka sha i se kporom hen Aôndo la.

Yosua 7:21

Er m nenge ikondo i cirin iyol i dedoo i Shinar ken ishar i utya man ushekel mba azurfa deri uhar kua ijen i zenaria i iyohov mbu i mbu kom shekel akunduahargber yô, sarem, tsô m tôô akaa la; nenge i yer a, nga shin inya, her atô u tenti wan man azurfa mase shin.