Mbaromanu 7:6 - ICIGHAN BIBILO

⁶ Kpa hegen er i sagh se ken atindi kera, se kpe sha kwagh u a lu kangen se la yô, ka sha u se̱ eren tom sha ikev i mlu u he u jijingi la i̱ de lu sha mlu u tse u kwaghngeren la ga.

Mbaromanu 7:6 Iomraidhean Croise

Esekiel 11:19

Me na ve u lun ishima i môm, Me ver jijingi u he ker a ve; Me dugh iwenshima ken iyol ve kera, Me na ve ishima i inyam;

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Mbaromanu 1:9

Aôndo u m civir Un ken jijingi wam sha Loho u Dedoo u Wan Na la, ka shiada wam er m ngu umbur ne gbem je ken mbamsen av hanma shighe,

Mbaromanu 12:2

De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 6:11

Nahan ne kpaa, nengen nen ayol a en er ne lu kpenegh sha kwagh u isholibo kpa ne gem ne lu uma sha ci u Aôndo ken Kristu Yesu yô.

Mbaromanu 6:19

M gbe ôron sha inja i or tsô sha ci u isheer yen i sha inja i or la. Gadia er lu ne na alegh a en ken kpan sha ikev i kwagh u hôngorough man u yemen a yem hemen sha u vendan atindi la, kape hegen na nen alegh a en ken kpan sha ikev i perapera u zan ken mtsegh je la.

Mbaromanu 6:2

Mayange ga! Á er nan man se mba se kpe sha kwagh u isholibo shi sé lu uma kimi?

Mbaromanu 6:22

Kpa hegen yô, i pase ne sha ikev i isholibo kera i tuhwa ne, ne gema ne hingir ikpan i Aôndo, injar yen yô, ka mtsegh, man mkur yô, ka uma u tsôron.

Mbaromanu 6:4

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

Mbaromanu 7:1

Shin ne fa kwagh ne ga ase anmgbianev, m ngu ôron kwagh a ven, ne mba ne lu mbafanatindi ne mer, tindi ngu a tahav sha or sha shighe u nan lu uma la tseegh.

Mbaromanu 7:2

Gadia kwase u nan er nom yô, i kange nan sha tindi vea nom zum u a lu uma la, kpa aluer nom la una kpe yô, i sagh nan ken tindi u nom la kera.

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

2 Mbakorinte 3:6

Ka Un A gem se se kom u lun mbatomov sha ikuryan i he, ka i sha kwaghngeren la ga kpa ka i ken jijingi, gadia kwaghngeren la woo a wua kpa jijingi ne a na uma.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Mbaefese 4:24

man haa nen orhe iyol u i gbe un sha inja i Aôndo ken perapera u mimi man mtsegh u mimi.

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.