Mbaromanu 7:14 - ICIGHAN BIBILO

¹⁴ Gadia se fa atindi ka kwagh u ken jijingi, kpa mo yô, ka ken iyol m lu ye, i teem, isholibo i yamem.

Mbaromanu 7:14 Iomraidhean Croise

Genese 37:27

Yô, sé tee nen un, Mbaishemael ve̱ yam, sé bende nen un ave ga, gadia anngô wase, ka iyol yase je. Anngôôv nav rumun imo na la.

Genese 37:36

Mbamidian mbala za tee un ken Igipiti, Potifar orvesen u ken ya u Farao, tor u adugwer, yam un.

Genese 40:15

gadia mimi je i iim a ii ken tar u Mbaheberu; heen kpaa, m er ma kwagh man ve va wuhem ken gaadi ga.

1 Utor 21:20

Tsô Ahaba kaa a Eliya er: U zua a mo ve orihom wama? A rumun er: M zua a we; gadia u tee iyol you sha u eren ifer sha ishigh ki TER.

1 Utor 21:25

Mimi je or u nan tee iyol i nan u eren ifer sha ishigh ki TER er Ahaba nahan, nan lu ga, gadia kwase na Yesebel tor un ityô.

2 Utor 17:17

Ve er ônov vev mba nomso kua mba kasev, ve kar ken usu, ve kpehe asor, shi ve er ahir, ve tee ayol a ve sha u eren ifer sha ishigh ki TER, bamen Un.

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Upasalmi 119:25

Uma wam var hen vuulevu, taver uma wam sha mkaanem Ou.

Upasalmi 51:6

Nenge, ka mimi U keren ken atô u ishima ye; ka ken myer je, U nem m lu a mfe ye.

Ekesodu 22:3

kpa aluer iyange ia due nan a mi yô, ibo ia lu sha awambe a nan. Nana̱ kimbi kpee; aluer nan ngu a kwagh ga yô, i̱ tee nan sha ci u iv mbu nan.

Anzaakaa 30:2

Mimi, mo m lan kwagh je kuma u me lu or ga, m ngu a mkav er or nahan kpaa ga,

Anzaakaa 30:5

Hanma kwaghôron u Aôndo cii ka u wang, Un ka perutya u mba ve lian ken a Na yô.

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yesaia 52:3

Gadia TER ngu kaan nahan er: I tee ne gbilin, nahan á paa ne sha inyar kpaa ga.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Levitiku 13:12

Aluer imande ia samber sha kwavyolough zan zan ia cir kwavyolough u oruange la cii, á hii sha ityough ki nan je, á ar shin angahar a nan, sha ashe a pristi er a nenge yô,

Levitiku 13:16

Aluer azoghol la a mire a gema a hingir pupuu yô, nana̱ va hen pristi;

Levitiku 19:18

De oron iyev ga, shi de we ishima bough a ônov mba ior ou ga, kpa or u nan we ndor a we nana̱ doo u ishima er we iyol you nahan; ka Mo TER.

Amoshi 2:6

TER ngu kaan nahan er: Sha ci u atindi a peren atar a Iserael, een, sha ci u anyiin je yô, Me kera hide a mtsaha na ijime ga; gadia ve tee orperapera, ve yam azurfa, man oribanave kpaa sha kweakôvough môm;

Mateu 16:23

Kpa A gema ashe a kaa a Peteru er: Hirem ken ijime kera, Satan, u ngum kwagh u nan gbev mbu nôngon, gadia u we iko sha akaa a a lu a Aôndo ga, saa a ior tsô.

Mateu 18:25

Kpa er ngula lu a kwagh u kimbin ga yô, ter na kaa er, i̱ za tee un a kwase na man ônov nav man akaa a a lu a mi cii kpaa, i̱ kimbi injô.

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Mateu 5:28

Kpa Mo yô, M kaan ne ner hanma or u nana kenger kwase sha u nana tôm un yô, nan er idya a na ken ishima je ve.

Luka 5:8

Er Shimon Peteru nenge nahan yô, a gure Yesu hen anu, a kaa er: Due hen mo kera, Tere, gadia mo m ngu or u isholibo je.

Luka 7:6

Tsô Yesu za a ve imôngo. Ka kera shin ica a ya la ga yô, torutya la tindi akar a na agen her a Na gba va kaan a Na er: Tere, de eren iyol You ican ga, gadia m kuma u U nyôr hen haav av ga,

Mbaromanu 3:9

Tsô ka nana? Shi se hemba je kpa? mayange ga. Gadia se vande nan Mbayuda kua Mbagrika ibo cii ser, mba sha ikev i isholibo.

Mbaromanu 6:6

Kwagh ne se fa un, i mande tseor wase a Na imôngo sha terankon sha u i̱ kar a iyol i isholibo kera, se se̱ de kera luun ikpan sha ikev i isholibo ga.

Mbaromanu 7:18

Gadia m fa ma kwagh u doon tem ken mo ga, inja na yô, ka ken iyol yam je la, gadia kwagh yô, saren mo kpa u eren a er kwagh u doon yô, ka ga.

Mbagalatia 4:3

Kape se kpaa zum u se lu iyev la yô, se lu sha ikev i ujijingi mba taregh mba hiihii la er ka ikpan nahan.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Duteronomi 6:5

Nahan yô, TER Aôndo A̱ doo u ishima a ishima you cii man a uma wou cii man a agee ou cii.

Mbaheberu 4:12

Gadia mkaanem ma Aôndo ma uma je, ma tem gbilin ga, ma hemba esen a hanma sanker u esen akur ahar cii, ka ma nyôr zan zan ma pav uma a jijingi man shi uijuan a mshiam kpaa, ka ma kar mbamhen kua mbaawashima kpaa.