Mbaromanu 6:2 - ICIGHAN BIBILO

² Mayange ga! Á er nan man se mba se kpe sha kwagh u isholibo shi sé lu uma kimi?

Mbaromanu 6:2 Iomraidhean Croise

Genese 39:9

ma or u hemban mo hen ya ne ngu ga; ma kwagh kpaa, a yangem ga, saa we tseegh, sha ci u we u ngu kwase na; a er nan man me er kwaghbo u vesen ne, me er Aôndo isholibo nahana?

Upasalmi 119:104

Ka sha uiniezwa Ou m zough a mkav ye, ka nahan man m ker hanma gbenda u aiegh ihom ye.

Luka 20:16

Una va, una va tim mbashirensule mbala kera, una gema sule la una na ior mbagenev. Mba ongo nahan yô, ve kaa er: I̱ de lu nahan ga!

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

Mbaromanu 7:6

Kpa hegen er i sagh se ken atindi kera, se kpe sha kwagh u a lu kangen se la yô, ka sha u se̱ eren tom sha ikev i mlu u he u jijingi la i̱ de lu sha mlu u tse u kwaghngeren la ga.

Mbagalatia 2:19

Gadia ka sha tindi man m kpe sha kwagh u tindi ye, sha u me gema me lu uma sha ci u Aôndo yô.

Mbagalatia 6:14

Kpa mo yô, me ta ihagh je ga, saa di sha terankon u Ter wase Yesu Kristu, ka sha u je man i mandem tar, mo kpaa i mandem sha terankon sha kwagh u taregh ye.

Mbakolose 2:20

Aluer ne kpe a Kristu imôngo sha kwagh u ujijingi mba taregh mba hiihii yô, ka nyi man shi ne rumun ner, i̱ wa ne atindi bee er shi ne mba uma ken tar nahana?

Mbakolose 3:3

Gadia ne kpe, uma wen yô i yer un a Kristu imôngo ken Aôndo.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Yohane 3:9

Hanma or u Aôndo A mar nan yô, nan eren isholibo ga, gadia vor Na ngu ker a nan; man nana fatyô u eren isholibo ga, gadia ka Aôndo A mar nan ye.