Mbaromanu 6:12 - ICIGHAN BIBILO

¹² Nahan yô, isholibo i̱ de kera ye tor ken iyol yen i va kpen la sha u né ungwa imo i asaren a i la ga,

Mbaromanu 6:12 Iomraidhean Croise

Genese 4:7

Aluer wea er sha mi yô, ma u saan ki sha gaa? Man aluer wea er sha mi ga yô, nenge, isholibo kegh sha hunda je; ka sha a we je isharen i i, i lu ye, kpa ka we man ú hemba i ye.

Upasalmi 119:133

Ver angahar a am a̱ lu taveraa sha mkaanem Ou, ma injaifer i môm i̱ de ye tor sha a mo ga.

Upasalmi 19:13

Kura wanakiriki Wou sha asorabo a sha apera; a̱ de hembem agee ga, tsô me lu a acôghol a wan iyol ga, man shi me war u eren isholibo i vesen.

Levitiku 13:40

Aluer ice i or la ia tsor nan sha ihaghtyo yô, nan kpur ityough; nan ngu wang.

Numeri 33:55

Kpa aluer nea zenda mba ve tem ken tar la sha ishigh yenegh kera ga yô, ve mba ne de ve la, vea hingir kwagh u civin ne ken ashe man kwagh u kuman ne ken ihan, vea zaan ne iyol ken tar u ne tema ker la.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaromanu 2:8

Kpa mba ve hembe wan ayol a ve iko, ve hembe mimi ato ve gem ve ongo imo i iferkwagh yô, Una na ve iyugh man ishima i vihin.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 6:14

Isholibo yô, ia ya tor sha a ven ga, gadia ne mba sha ikev i atindi ga, ka sha ikev i mrumun u sha mhôôn ne lu ye.

Mbaromanu 6:16

Ne kera fa gaa? Aluer ne na ayol a en sha ikev i kwagh sha u lun ikpan na man shi u ungwan imo na yô, ne mba ikpan i kwagh u ne ongo imo na la, shin a lu isholibo u zan ken ku, shin a lu iko i wan, u zan ken perapera.

Mbaromanu 8:11

Kpa aluer Jijingi u Wen u A nder Yesu shin mbakpenev la Una tema ken ven yô, Wen u A nder Yesu shin ku la Una na ayol a en a á va kpen la uma sha Jijingi Na u A tem ken ven la.

Mbaromanu 8:13

Gadia aluer nea lu uma sha inja i iyolough yô né kpe, kpa aluer nea wua aeren a iyolough sha Jijingi yô, né lu uma.

2 Mbakorinte 4:11

Er se lu uma ne yô, mba nan se ken ku gbem je sha ci u Yesu, sha er uma u Yesu kpaa, i̱ tese un gbar gbar ken iyol yase i va kpen kera ne.

2 Mbakorinte 5:4

Se mba se lu ken tenti her yô, se mba toghor iyol, kwagh tsule se, sar se pe i̱ bugh se ikondo kera ga, kpa i̱ hemba cirin se a cir i iyol, sha u uma a̱ gema a̱ mena kwagh u a lu u kpen kera la.

Mbagalatia 5:16

M ngu kaan mer, zende nen sha Jijingi nahan né kera eren sha asaren a iyolough ga.

Mbagalatia 5:24

Mba ve lu mba Kristu Yesu yô, ve mande iyol a ishima i kenden kua asaren a i sha terankon imôngo ve.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Duteronomi 7:2

man zum u TER, Aôndo wou, Una gema a, Una na sha ikev you man wea hemba a yô, tim a purututu; de ye ikur a a ga, de zungu a mhôônom kpaa ga.

1 Mbatesalonika 4:5

I̱ de luun sha ishima i kenden i isharen i bo er atôatyev a a fe Aôndo ga la nahan ze.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:22

Nahan yevese asaren a sha inja i mbayevikaior la, gema dondo perapera ityô, man jighjigh u nan man dooshima man bem a mbala mba ve yer iti i Ter sha ishima i wang la imôngo.

Titu 2:12

Ngu tesen se er se̱ venda mwe u i wa Aôndo iko ga la man asaren a taregh kpaa, se̱ zenden tsev tsev man sha jighjigh man sha mciviraôndo kpaa ken tar u ainge ne,

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 2:11

Ne mbadoon mo ishima, ne mba ne lu ushirmbaiorov man iorvannya kpaa, m ngu zamber a ven mer: Nyagh nen asaren a iyolough a a nenge ityav a uma u ken ishima la.

Yuda 1:16

Mban ka mbagbanahon mba ma kwagh a kom ve ga, mba zenden sha asaren a ve ayol a ve, ijô ve ngi hagher sha akaaôron, mba nyohon zwa sha u zuan a mtsera.

Yuda 1:18

Ve kaa a ven er: Sha ayange a masejime mbanahantar vea lu, vea dondo asaren a ve ayol a ve a vendan Aôndo la.

Mbaajiriv 2:3

Ka nahan man M kaa Mer: Me kera zenda ve sha ishigh yenegh kera ga ye, kpa vea hingir mbahendan kwagh a ven; mbaaôndo vev kpaa vea hingir kwagh u hônon ne a min.