Mbaromanu 6:11 - ICIGHAN BIBILO

¹¹ Nahan ne kpaa, nengen nen ayol a en er ne lu kpenegh sha kwagh u isholibo kpa ne gem ne lu uma sha ci u Aôndo ken Kristu Yesu yô.

Mbaromanu 6:11 Iomraidhean Croise

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

Mbaromanu 16:27

Aôndo u A lu a kwaghfan Un tswen ne, iengem i̱ lu i Na ken Yesu Kristu gbem sha won. Amen.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaromanu 6:10

Ku u A kpe la, A kpe sha kwagh u isholibo kwa môm vough, man uma u A lu la, ngu uma sha kwagh u Aôndo.

Mbaromanu 6:13

shi de ne nen alegh a en sha ikev i isholibo a̱ hingir ikav mbi tomov mbi ifer ga, kpa na nen ayol a en sha ikev i Aôndo er ka mba ve dugh ken ku kera ve hingir mbaumav nahan, alegh a en a̱ lu ikav mbi tomov mbi perapera sha ci u Aôndo.

Mbaromanu 6:2

Mayange ga! Á er nan man se mba se kpe sha kwagh u isholibo shi sé lu uma kimi?

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

Mbaromanu 7:6

Kpa hegen er i sagh se ken atindi kera, se kpe sha kwagh u a lu kangen se la yô, ka sha u se̱ eren tom sha ikev i mlu u he u jijingi la i̱ de lu sha mlu u tse u kwaghngeren la ga.

Mbaromanu 8:18

M fa, atsan a se ye shighe u ainge ne a kuma sha iengem i á va pase se la ga.

1 Mbakorinte 6:20

Gadia i yam ne a yam sha ishe je. Civir nen Aôndo ken iyol yen.

Mbaefese 2:7

Ka sha u ken ayange a a lu van ken hemen la Una pase mrumun Na u sha mhôôn u a ngee yum, a hemba sha won la, sha a vese ken Kristu Yesu.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 4:7

man bem u Aôndo u a gande hanma mfe wase cii una kura asema a en man mbamhen enev ken Kristu Yesu ye.

Mbakolose 2:20

Aluer ne kpe a Kristu imôngo sha kwagh u ujijingi mba taregh mba hiihii yô, ka nyi man shi ne rumun ner, i̱ wa ne atindi bee er shi ne mba uma ken tar nahana?

Mbakolose 3:17

Man hanma kwagh u ne eren cii shin a lu kwagh u ôron a ôr shin kwagh u eren a er, eren nen hanma kwagh ken iti i Ter Yesu man sughun nen Aôndo Ter sha a Na.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.