Mbaromanu 6:1 - ICIGHAN BIBILO

¹ Nahan sé kaa nana? Sé gba lun ken isholibo gbem sha u mrumun u sha mhôôn a̱ hemba ngeene?

Mbaromanu 6:1 Iomraidhean Croise

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Mbaromanu 3:31

Nahan se mba bunden atindi sha kwagh u jighjigh u nan la shinii? Mayange ga, se mba geman taver a taver atindi je.

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Mbagalatia 5:13

Gadia ne yô, anmgbianev, i yila ne sha u ne̱ lu ken uikangen ga, kpa mlu wen u ne lu ken uikangen ga la yô, a̱ de hingir ityôikaa i iyolough ga, kpa eren nen ayol a en tom sha dooshima.

1 Peteru 2:16

Lu nen er mba ve lu ken uikangen ga nahan, kpa mlu wen u ken uikangen ga la a̱ de gem a̱ hingir ne kwagh u yisan ifer a mi ga; lu nen ikpan i Aôndo.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.