Mbaromanu 5:10 - ICIGHAN BIBILO

¹⁰ Aluer i hime se a Aôndo sha ku u Wan Na zum u se lu mbaihomov la yô, nahan hegen er i him se kera yô, á va hemba yiman se sha uma Na cii.

Mbaromanu 5:10 Iomraidhean Croise

2 Kroniku 29:24

tsô upristi sôngo ve, ve na nagh ku isholibo sha awambe a ve sha atse, sha u wamen sha ci u Iserael cii; gadia tor kaa er, i̱ na nagh ku nanden man nagh ku isholibo sha ci u Iserael cii.

Esekiel 45:20

Kape ú er sha iyange i sha utaankaruhar i uwer la, sha ci u hanma or u nan er isholibo abu man sha mlan yô; ka nahan man né na iwom sha ci u iyou la ye.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Levitiku 6:30

Kpa nagh ku isholibo ku i pande awambe a ku, i ve a min ken tenti u kohol ker la, sha u nan iwom mi ken icighanjiir yô, i̱ de ye ku mayange ga, i̱ nande ku sha usu je.

YOHANE 14:19

Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 5:26

Gadia er Ter A lu a uma ken iyol Na nahan, kape A ne Wan u lun a uma ken iyol Na kpaa la.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:57

Er Ter u uma A tindim, man M lu uma ken Ter yô, kape or u nana yam kpaa nana lu uma ken a Mo la.

Mbaromanu 11:28

Sha kwagh u Loho u Dedoo yô ve mba mbaihomov, ka sha ci wen je, kpa sha kwagh u mtsough yô, ve mba mbadoonshima sha ci u uter vev mbala.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

Mbaromanu 5:6

Gadia er se lu aseeraior her la je Kristu kpe er shighe va kuma vough yô, sha ci u mba ve fe Aôndo ga la.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

Mbaromanu 8:34

Ka an nana ôr ijir nana na ibo? Ka Kristu Yesu A kpe ye, kpa shi i nder Un je, ngu ken uwegh ku yanegh ku Aôndo, ngu sônon sha ci wase kpaa.

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbaefese 2:16

Una hime ve uhar cii ken iyol môm a Aôndo sha terankon, ka sha u man A wua ihom kera ye.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Yohane 2:1

Mbayev av, akaa ne m ngu ngeren ne a sha u de kera eren nen isholibo ga yô. Aluer anti or nana er isholibo kpaa, se mba a Orwasen hen Ter, Yesu Kristu Orperapera.

1 Yohane 4:10

Ka hen ape dooshima a lu ne: ka Aôndo man A doo se ishima ga, kpa ka se, se doo Aôndo ishima ye, man A tindi Wan Na hingir iwom sha asorabo ase.

Mpase U Yohane 1:18

shi M ngu uma; lu M kpe, kpa nenge, shi M ngu uma gbem sha won, man M ngu a ishindan i kuugh man i Hade kpaa.