Aôndo gbihi nongoior Na mba A vande fan ve la kera ga. Shin ne kera fa kwagh u icighanruamabera kaa sha kwagh u Elia zum u A ôr Aôndo kwagh u Iserael la, ga ase?
A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.
Kpa or u nan eren tom ga, kpa nan gem nan suur sha Un u A ne mba ve fe Aôndo ga la ishô yô, ka i nenge jighjigh u nan u nan ne la er ka perapera u nan je la.
Nahan msaanyol ne ngu sha ci u mbaicôngo tseegh shinii, ngu sha ci u mbaipusu kpaa? Gadia se mba kaan ser, i gema jighjigh u nan u Aberaham la i nenge er ka perapera na je la.
Gadia icighanruamabera ngu kaan a Farao er, ka sha ci u kwagh ne je M ver u u lu uma ye, ka sha u Me tese agee a Am ken a we man shi i̱ yôô iti Yam sha won cii kpaa.
Nahan icighanruamabera kure sha mi vough u a kaa er: Aberaham na Aôndo jighjigh nahan A gema kwagh la hingir perapera na je la, man shi er: I yila un er ikar u Aôndo la.
Shin ne mba henen ner, ka gbilin tsô icighanruamabera a kaa er: A penda ishima sha jijingi u A na er a̱ tema ken vese la je zan zan iwuhe i gban kpaa yee?