Mbaromanu 4:15 - ICIGHAN BIBILO

¹⁵ Gadia tindi ve a iyugh kpa ape tindi a lu ga yô, mper u tindi kpaa ngu ga.

Mbaromanu 4:15 Iomraidhean Croise

2 Utor 22:13

Za, za pine nen TER sha ci wam man sha ci u ior kua sha ci u Yuda cii kpaa, sha kwagh u akaaôron a ruamabera u i zough a mi ne, gadia iyugh i TER haa sha a vese, vese je, ngi yeghen a yegh; gadia uter asev lu wan iko sha akaaôron a ruamabera u atindigh sha u eren sha kwagh u i wa se la cii ga.

Yeremia 4:8

Sha ci u nahan yô, ta nen ibashôhô uya, gber nen kwelegh, vaa nen, gadia ishima i vihin i tsung i TER la, ngi a gema sha u undun se ga.

Ukwelegh 2:22

U lôhô mcieryol va kasem avegher cii tser, er ka sha iyange i iniongo nahan; ma or u yevese shin u waren kera lu sha iyange i iyugh i TER la ga; mba m tee ve sha ave man mba m yese ve la, orihom wam va tim ve kera.

Esekiel 7:19

Vea haa azurfa ve sha igbenda i ken gar, man zenaria ve kpaa una hingir er kwagh u hôngorough nahan; azurfa ve man zenaria ve vea fatyô u yiman ve sha iyange i iyugh i TER la ga; uma ve una ide sha mi ga, man vea iv iyav vev sha mi kpaa ga, gadia lu kwagh u nan ve gbev mbu nôngon sha u eren ifer la.

Sefania 1:18

Azurfa ve shin zenaria ve, vea fatyô u yiman ve sha iyange i iyugh i TER ga; kpa sha usu u iwuhe Na la, tar cii ua hia kera; gadia Una va a mtim, ka mkur u cieryol je, sha mba ve tem ken tar cii.

Numeri 32:14

Nenge, ne mough sha ityough ki uter enev, ne tsombor u eren kwaghbo ne, sha u né seer ishimavihin i TER a Iserael i tsung la, i̱ za a za hemen yô.

YOHANE 15:22

Aluer Mea ve, Mea va er ve kwagh ga yô, ma ve lu a isholibo ga; kpa hegen yô, mba a ityôikaa i ôron sha isholibo ve ga.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 5:13

Er atindi lu a lu ga je kpaa isholibo lu shin tar, kpa ape atindi a lu ga yô, mba we isholibo ker ga.

1 Mbakorinte 15:56

Soho u kuugh yô, ka isholibo man agee a isholibo gema ka tindi.

Mbagalatia 3:10

Mba ve suur sha aeren a sha tindi cii, mba a ifan iyol. Gadia i nger er: Hanma or u nan we akaa a i nger a ken ruamabera u atindigh la cii iko sha u eren a ga yô, nan ngu a ifan iyol.

Mbagalatia 3:19

Nahan atindi nga a inja sha nyi? Ka sha ci u mbamper mba i per tindi la man i seer a ye, zan zan vor u i tende zwa sha mi la ua kar van. I na a sha mkaa u mbatyomov mba Shaav sha ikev i orhimen.

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

Mbakolose 3:6

Ka sha akaa ne man iyugh i Aôndo i lu van ye.

1 Yohane 3:4

Hanma or u nan eren isholibo yô, nan ngu vendan tindi kpaa, gadia isholibo ka atindi a vendan.

Mpase U Yohane 19:15

Sanker u esen tsor tsor due ken zwa Na sha u Una gber akuraior yô. Ka Un Una tema tor sha a sha tôgh ku iyôôgh ye. Shi ka Un kpaa Una shoghol ihungwa i wain i iyugh i sha ishima i vihin i Aôndo Uhembanagee la ye.