Mbaromanu 4:11 - ICIGHAN BIBILO

¹¹ A ngohol ikav i icôngo, lu ikav i tesen sha perapera u sha jighjigh u nan u a lu a mi je er a lu a tsôngo ga la. Lu sha u una lu ter u mbaipusuv mba ve ne jighjigh la cii, sha u i̱ gema kwagh la i̱ nenge er ka perapera ve je la.

Mbaromanu 4:11 Iomraidhean Croise

Genese 17:24

Aberaham yô, lu anyom akunduanyiingber kar ataankaranyiin zum u i tsôngo un ipusu na la;

Upasalmi 47:9

Mbatarev mba iorov kohol hingir ior i Aôndo u Aberaham; gadia iperutya i tar ka i Aôndo je; i kende Un sha kpishi je. Ka Icam. Ka Pasalmi u ônov mba Kora

Ekesodu 12:13

Awambe la, a̱ lu ne ikav sha uya mba ne lu ker la; zum u Me nenge awambe la yô, Me aver ne, Me kar; nahan kwagh u bo u timin ne, una kera tser ne ga, zum u Me tsahan tar u Igipiti la.

Ekesodu 31:13

Ôr kwagh a Mbaiserael, kaa ve wer: Waan nen ayange a memen Am iko kpee je, gadia ka ikav i hen atô Wam a ven sha ikov ikov, sha u u̱ fa er Mo M lu TER u M tsegh ne, ne hingir wang yô.

Ekesodu 31:17

Ka ikav i hen atô Wan a Mbaiserael gbem sha won je; gadia TER er Sha man tar ayange ataratar, sha iyange i sha utaankaruhar la yô, A mem, yôhôl Un iyol.

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Esekiel 20:20

tseghan nen ayange a memen a Am nahan aa hingir ikav her atô Wam a ven, sha er ne̱ fa er Mo M lu TER, Aôndo wen, yô.

Mateu 16:16

Shimon Peteru gema kaa er: We U ngu Kristu Wan u Aôndo u uma.

Mateu 8:11

Man shi M ngu kaan ne Mer, ior kpishi mba ken ityoughkitaregh man shin ityôtar kpaa, vea va, vea va tema a Aberaham man Isaka man Yakob ken tartor u Sha imôngo,

Luka 19:9

Yesu kaa a na er: Nyian myom va hen ya ne ve, sha ci u wen kpaa a lu wan u Aberaham je yô.

YOHANE 3:33

U nan rumun mpase Na la yô, nan seer u tesen er Aôndo A lu u mimi yô.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

YOHANE 8:33

Ve gema ve kaa a Na er: Se mba tsombor u Aberaham je, man mayange je se mba a lu ikpan i or ga; er nan man U kaan Wer: á pase ne á tuhwa?

Mbaromanu 10:11

Gadia icighanruamabera ngu kaan er: Hanma or u nan ne Un jighjigh yô, nana va ahenga ga.

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

Mbaromanu 10:6

Kpa perapera u sha jighjigh u nan la ngu kaan nahan er: De kaan ken ishima you wer: Ka an nana kôndo Sha, inja na yô, ka u za hungwan a Kristu je la, ga;

Mbaromanu 3:22

ka perapera u Aôndo u sha jighjigh u i ne [Yesu] Kristu la, sha ci u ve mba ve ne jighjigh la cii, gadia mkposo ngu ga.

Mbaromanu 3:26

Lu sha u Una tese perapera Na hen shighe u ainge ne, sha u Una lu u perapera man shi Una na mba ve lu ken jighjigh u nan ken Yesu la ishô kpaa yô.

Mbaromanu 3:30

aluer Aôndo ngu môm tsô yô, u Una na mbaicôngo ishô sha jighjigh u nan, kua mbaipusu kpaa sha ci u jighjigh u nan.

Mbaromanu 4:10

Nahan i nenge kwagh la nana? Lu shighe u a tsôngo la shin lu shighe u a lu ipusuu? Lu sha shighe u a tsôngo kera la ga, kpa lu shighe u a lu ipusu her la.

Mbaromanu 9:30

Tsô se kaa nana? Se kaa nahan ser, atôatyev a a lu zendan perapera ityô ga la a zua a perapera je, ka perapera u sha jighjigh u nan je la.

Mbaromanu 9:33

Kape i nger kpaa la er: Nenge, M ngu veren iwen i keman nguhar sha mi ken Shion, man shi vande u nôngon gbev sha mi. Or u nan ne Un jighjigh yô, nana va ahenge ga.

Mbaromanu 9:6

Kpa unguer kwaghôron u Aôndo hingir gbilinkwagh ga, gadia mba ve lu ken Iserael la ka ve cii ve lu Iserael ga.

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

Mbagalatia 3:22

Kpa icighanruamabera wuhe akaa cii sha ikev i isholibo sha u ma i ne mbananjighjigh ityendezwa i i lu sha jighjigh u nan ken Yesu Kristu la.

Mbagalatia 3:29

Aluer ne mba kwagh u Kristu yô, ne mba tsombor u Aberaham je, man ne mba mbayan dyako sha ityendezwa kpaa.

Mbagalatia 3:7

Nahan yô, ne nenge mba ve lu ken jighjigh u nan la, ka ve je ve lu ônov mba Aberaham ye.

Mbagalatia 5:5

Kpa se yô, ka sha Jijingi kua sha jighjigh u nan man se lu keghen ishimaverenkeghen i perapera ye.

Mbagalatia 6:16

Man mba ve dondo tindi ngun ne cii yô, bem man mhôônom ma zungwen ma̱ lu sha a ve kua sha Iserael u Aôndo kpaa.

Mbaefese 1:13

Ka Un u ne kpaa, zum u ne ungwa kwaghôron u mimi u Loho u Dedoo u myom wen yô, ne na Un jighjigh man i ver ne ikav sha Icighan Jijingi u ityendezwa ye.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbaheberu 11:7

Ka sha jighjigh u nan man Noa kpaa, zum u Aôndo wa un kwagh sha akaa a i lu a nenge a mi ga la yô, a wa iko a gba tso sha u yiman ya na. Ka sha jighjigh u nan ne kpaa man a na tar ibo ye shi a hingir or u yan dyako u perapera u a lu sha jighjigh u nan la.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

Mpase U Yohane 9:4

I ta ve icin er ve̱ de vihin toho u sha tar ga, shin ma kwagh u menden shin ma kon kpaa ga, saa di ior mba ve lu a ikav i Aôndo sha atsul a ve ga la.