Mbaromanu 3:4 - ICIGHAN BIBILO

⁴ Mayange ga, Aôndo A̱ lu u mimi shin er ior cii ve lu mbaaiev nahan kpaa; kape i nger kpaa la er: Ka sha u Ú lu a ishô sha akaaôron a Ou yô, shi Ú hemba sha ijir i U yer la kpaa yô.

Mbaromanu 3:4 Iomraidhean Croise

Yobu 36:3

Me za va a mfe wam ken ica je, me na Un u A gbem la mimi.

Yobu 40:8

Ú sagh ijirôron Yama? Ú nam ibo sha u ú zua a ishô zee?

Upasalmi 100:5

Gadia TER doo, erdoo Na ngu gbem je, jighjigh Na kpaa ngu sha ikov ikov. Ka Pasalmi u Davidi

Upasalmi 116:11

Er kondom iyol yô, m kaa mer: Ior cii ka mbaaiev.

Upasalmi 119:160

Mkaanem Ou jimin cii ka kwagh u mimi je, akaaôron a Ou a jirigh a perapera ci ca cii, ka a tsôron sha won je.

Upasalmi 138:2

Me gure me ver ishigh sha icighantempel Wou, me wuese iti You sha erdoo Wou man sha mimi Wou kpaa, gadia U kende a iti You sha hemba a kaa agen cii.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Mateu 11:19

Wan u or va, ye kwagh shi me kwagh, kpa mba kaan er: Nenge, or u kumbur hua sha kwaghyan, man or u eren hua sha msôr, ka huror u mbangoholkpandegh kua u mbaasorabo. Kpa mfe zua a ishô sha aeren a na ve.

Luka 20:16

Una va, una va tim mbashirensule mbala kera, una gema sule la una na ior mbagenev. Mba ongo nahan yô, ve kaa er: I̱ de lu nahan ga!

YOHANE 3:33

U nan rumun mpase Na la yô, nan seer u tesen er Aôndo A lu u mimi yô.

Mbaromanu 11:1

Nahan m ngu pinen mer, Aôndo gbihi nongoior Na kera shinii? Mayange ga. Mo iyol yam kpaa m ngu or u Iserael ken tsombor u Aberaham ken kwe u Benyamin.

Mbaromanu 11:11

Nahan m ngu pinen mer, ve nôngo gbev nahan ve gba ve saa heregh jee? Mayange ga. Mper u ve per tindi la gema na myom va hen atôatyev sha u nan ve iwuhe i gban.

Mbaromanu 3:31

Nahan se mba bunden atindi sha kwagh u jighjigh u nan la shinii? Mayange ga, se mba geman taver a taver atindi je.

Mbaromanu 6:15

Nahan yô, ka nana? Sé gbaa eren isholibo tsô er se kera lu sha ikev i atindi ga, i gem i lu sha ikev i mrumun u sha mhôôn yôô? Mayange ga.

Mbaromanu 6:2

Mayange ga! Á er nan man se mba se kpe sha kwagh u isholibo shi sé lu uma kimi?

Mbaromanu 7:13

Nahan yô, kwagh u doon la gema hingir ku wam shinii? Mayange ga. Kpa lu isholibo je i gema kwagh u dedoo la hingir ku wam ye, lu sha u i̱ pase isholibo ken igbar er ka isholibo je man sha u tindi a̱ gema isholibo i̱ hingir kwagh u bo yum yô.

Mbaromanu 7:7

Nahan sé kaa nana? Atindi gema ka isholiboo? Mayange ga. Luun sha atindi ga yô, ma m fe isholibo ga, gadia aluer tindi una kaa er, de tem ga, ga yô, ma m fe mtôm ga.

Mbaromanu 9:14

Tsô sé kaa nana? Kwagh u a lu u perapera ga kpaa ngu hen Aôndo shinii? Mayange ga.

1 Mbakorinte 6:15

Ne kera fa er ayol a en a lu alegh a Kristu je gaa? Nahan me gema alegh a Kristu a̱ hingir alegh a agbagaa? Mayange ga.

2 Mbakorinte 1:18

Aôndo ka u jighjigh, kwaghôron wase a ven lu “een” vea “ei” imôngo ga.

Mbagalatia 2:17

Aluer se mba nôngon u zuan a ishô ken Kristu man i va kohol se se lu mbaasorabo yô, nahan Kristu ka ortom u isholibo? Mayange ga.

Mbagalatia 2:21

M ngu tan mhôônom ma Aôndo kera ga, gadia ishô ia lu sha tindi yô, Kristu kpe gbilin je ve.

Mbagalatia 6:14

Kpa mo yô, me ta ihagh je ga, saa di sha terankon u Ter wase Yesu Kristu, ka sha u je man i mandem tar, mo kpaa i mandem sha terankon sha kwagh u taregh ye.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

1 Yohane 5:10

Or u nan ne Wan u Aôndo jighjigh yô, nan ngu a shiada ne ken a nan. U nan ne Aôndo jighjigh ga yô, nan yila Un aie je ve, gadia nan na shiada u Aôndo A er sha kwagh u Wan Na la jighjigh ga.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 3:7

Nger hen ortyom u nongo u Kristu u hen Filadelfia wer: Un u A lu icighan, A lu u mimi, u A lu a ishindan i Davidi la, Una bugh yô, ma or nana kera senda ga, Una senda yô, ma or nana kera bugh ga la, ngu ôron akaa ne nahan er: