Mbaromanu 3:30 - ICIGHAN BIBILO

³⁰ aluer Aôndo ngu môm tsô yô, u Una na mbaicôngo ishô sha jighjigh u nan, kua mbaipusu kpaa sha ci u jighjigh u nan.

Mbaromanu 3:30 Iomraidhean Croise

Mbaromanu 2:26

Nahan yô, aluer or u ipusu nana kura akaawan a ken tindi yô, ipusu i nan la á kera nenge i er ka icôngo nahan gaa?

Mbaromanu 2:27

Nahan or u nan lu ipusu sha marami kpa nan gem nan we atindi iko la nana na u ibo, we u u lu a kwaghngeren man shi icôngo, kpa u gem u per tindi la.

Mbaromanu 3:22

ka perapera u Aôndo u sha jighjigh u i ne [Yesu] Kristu la, sha ci u ve mba ve ne jighjigh la cii, gadia mkposo ngu ga.

Mbaromanu 3:28

Nahan se fa, or yô, ka sha jighjigh u nan i ne nan ishô ye, kwagh u aeren a sha atindi ngu sha mi ga.

Mbaromanu 4:16

Ka nahan man i lu sha jighjigh u nan ye, sha u i̱ lu kwagh u mrumun u sha mhôôn, ityendezwa i̱ de lu kwagh u tenger ga sha tsombor na cii, ka mba ve ver ishima sha atindi la tseegh ga, kpa ka ve mba ve lu ken jighjigh u nan u Aberaham la kpaa, un u a lu ter wase cii la.

Mbaromanu 4:9

Nahan msaanyol ne ngu sha ci u mbaicôngo tseegh shinii, ngu sha ci u mbaipusu kpaa? Gadia se mba kaan ser, i gema jighjigh u nan u Aberaham la i nenge er ka perapera na je la.

Mbagalatia 3:20

Orhimen yô, nan ngu sha ci u or môm tseegh ga, kpa Aôndo yô, ngu môm tsô.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbagalatia 3:8

Er icighanruamabera tsenganengen er ka sha jighjigh u nan man Aôndo Una na atôatyev ishô ye, a ôr Aberaham ivangeli tsuaa er: Ka ken we man akuraior a sha won cii aa zua a iveren ye.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Duteronomi 6:4

Yô, ver ato Iserael: TER, Aôndo wase, ka TER, tswen, je!

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

1 Timoteu 2:5

Gadia Aôndo ngu môm tsô, Orhimen u her atô u Aôndo a ior kpaa ngu môm, ka or, ka Kristu Yesu