Mbaromanu 3:22 - ICIGHAN BIBILO

²² ka perapera u Aôndo u sha jighjigh u i ne [Yesu] Kristu la, sha ci u ve mba ve ne jighjigh la cii, gadia mkposo ngu ga.

Mbaromanu 3:22 Iomraidhean Croise

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Luka 15:22

Kpa ter la kaa a mbashiren un tom mbala er: Dugh nen ihembanriga la fefa je, va haa nen un, wa nen un kunya ken uwe, man akôv shin angahar kpaa;

Aerenakaa A Mbaapostoli 11:12

Tsô Jijingi kaa a mo er m̱ yem a ve imôngo, m̱ de te akperan ga. Anmgbianev mba ataratar mban kpaa za a mo imôngo, se za nyôr hen ya u or la.

Aerenakaa A Mbaapostoli 15:9

Man A pav se a ve kposo ga, ngu wanger asema a ve sha jighjigh u nan.

Aerenakaa A Mbaapostoli 3:16

Ka sha jighjigh u nan ken iti Na kpaa, man iti Na i taver or u ne nengen a na ne, man shi ne fe un kpaa ne ye; shi ka jighjigh u nan u a ne la, man a ne un mkpeyol jimin cii sha ishigh yenegh cii nahan ye.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 10:12

Mkposo ngu hen Oryuda a Orgrika je ga, gadia ka Ter môm je A lu u ve cii ye, shi A ngee a akaa sha ci u mba ve yer sha iti Na la cii.

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

Mbaromanu 3:30

aluer Aôndo ngu môm tsô yô, u Una na mbaicôngo ishô sha jighjigh u nan, kua mbaipusu kpaa sha ci u jighjigh u nan.

Mbaromanu 4:16

Ka nahan man i lu sha jighjigh u nan ye, sha u i̱ lu kwagh u mrumun u sha mhôôn, ityendezwa i̱ de lu kwagh u tenger ga sha tsombor na cii, ka mba ve ver ishima sha atindi la tseegh ga, kpa ka ve mba ve lu ken jighjigh u nan u Aberaham la kpaa, un u a lu ter wase cii la.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

Mbaromanu 9:30

Tsô se kaa nana? Se kaa nahan ser, atôatyev a a lu zendan perapera ityô ga la a zua a perapera je, ka perapera u sha jighjigh u nan je la.

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.

1 Mbakorinte 4:7

Ka an nan ver u u hembee? Ka nyi u lu a mi i u ngohol a ngohol ga? Man aluer u ngohol yô, ka nyi u gengese iyol er u ngohol a ngohol ga nahana?

Mbagalatia 2:16

Se fa or gbe zuan a ishô sha aeren a sha tindi ga, kpa ka sha jighjigh u nan ken Kristu Yesu. Man se ayol a ase kpaa se na Kristu Yesu jighjigh, sha u ma i ne se ishô sha jighjigh u nan u ken Kristu, i kera lu sha aeren a tindi ga. Gadia sha aeren a tindi yô, ma or u umace nana zua a ishô ga.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbagalatia 3:22

Kpa icighanruamabera wuhe akaa cii sha ikev i isholibo sha u ma i ne mbananjighjigh ityendezwa i i lu sha jighjigh u nan ken Yesu Kristu la.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbaefese 3:12

Ken a Na yô, se mba a vangertiôr man ian i nyôron gbar gbar sha jighjigh u se ne Un la.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

Yakobu 2:23

Nahan icighanruamabera kure sha mi vough u a kaa er: Aberaham na Aôndo jighjigh nahan A gema kwagh la hingir perapera na je la, man shi er: I yila un er ikar u Aôndo la.