Mbaromanu 3:21 - ICIGHAN BIBILO

²¹ Kpa hegen yô, i pase perapera u Aôndo ken igbar, kwagh u atindigh ngu sha mi ga, kpa atindi man uprofeti mba eren shiada sha mi,

Mbaromanu 3:21 Iomraidhean Croise

Genese 15:6

A na TER jighjigh, tsô A gema kwagh ne hingir perapera na je.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Yesaia 51:8

Gadia ivina ia ya ve er ikondo nahan, ijôô kpaa ia ya ve er ul nahan; kpa perapera Wam una tsôr gbem sha won, myom Wam kpaa una lu sha ikov ikov cii.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Yesaia 61:10

M ember tsung ken TER, uma wam kpaa ember ken Aôndo wam; gadia A haam akondo a myom iyol, A cirim riga u perapera, er orkwasehe ka nan kange tsar u hweegh sha ityou er pristi nahan, man er kwasehe kpaa ka nan er hwe iyol sha asa a nan nahan.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 1:45

Filibu zua a Natanael, kaa a na er: Se zua a Un u Mose nger kwagh Na ken atindi, kua uprofeti kpaa ve nger kwagh Na la, ka Yesu Wan u Yosev u a lu or u Nasareti la.

Aerenakaa A Mbaapostoli 10:43

Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.

Aerenakaa A Mbaapostoli 15:11

Kpa se na jighjigh ser, á yima se sha mrumun u sha mhôôn u Ter Yesu, kape ve di kpaa á lu je la.

Aerenakaa A Mbaapostoli 26:22

Mo yô, ka er m zough a iwasen her Aôndo man m til zan zan nyian ye; m lu pasen mbakiriki kua mbavesen cii, m gbe ôron ma kwagh ugen ga saa akaa a uprofeti kua Mose lu kaa er á va er la,

Aerenakaa A Mbaapostoli 28:23

Tsô er ve ver un iyange yô, ior kpishi va her a na ape a nyôr la; a gba pasen ve inja i tartor u Aôndo, lu sendegh a ve sha kwagh u Yesu ken atindi a Mose kua uprofeti kpaa, a hii pepe je, iyange kar been.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

Mbaromanu 1:2

u A vande tôndon zwa sha u, sha kwaghôron u uprofeti ken icighanruamabera la;

Mbaromanu 16:26

Kpa i va a mi ken igbar hegen shi mba pasen un sha uruamabera mba uprofeti hen akuraior cii, sha u a̱ wa jighjigh u nan la iko—

Mbaromanu 3:28

Nahan se fa, or yô, ka sha jighjigh u nan i ne nan ishô ye, kwagh u aeren a sha atindi ngu sha mi ga.

Mbaromanu 5:19

Gadia er ior kpishi ve hingir mbaasorabo sha ihembeato i or môm yô, kape ior kpishi di ve hingir mbaperapera sha iko i wan i Or môm kpaa la.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 9:30

Tsô se kaa nana? Se kaa nahan ser, atôatyev a a lu zendan perapera ityô ga la a zua a perapera je, ka perapera u sha jighjigh u nan je la.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

2 Mbakorinte 3:9

Gadia aluer tom u u lu nan ior ibo la, iengem ia lu sha mi kpaa, tom u nan perapera la ua hemba ngeen a iengem ica je.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:8

Er icighanruamabera tsenganengen er ka sha jighjigh u nan man Aôndo Una na atôatyev ishô ye, a ôr Aberaham ivangeli tsuaa er: Ka ken we man akuraior a sha won cii aa zua a iveren ye.

Mbagalatia 5:5

Kpa se yô, ka sha Jijingi kua sha jighjigh u nan man se lu keghen ishimaverenkeghen i perapera ye.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

1 Peteru 1:10

Sha kwagh u myom ne yô, uprofeti mba ve tsengaôron kwagh u mrumun u sha mhôôn u i ver sha ci wen yô, ve tôv un ve time vighe vighe je.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.