Mbaromanu 3:2 - ICIGHAN BIBILO

² Ngi a inja kpe kpe, sha igbenda kposo kposo kpaa. Kwagh u hiihii yô, i na ve akaaôron a Aôndo sha ikev.

Mbaromanu 3:2 Iomraidhean Croise

Upasalmi 119:140

Mkaanem Ou ma wang je, ma doo wanakiriki Wou ishima je.

Yesaia 8:20

Hide nen sha ityesen kua mpase! Aluer vea ôr sha kwaghôron ne ga yô, m-av u use kera ngu sha ci ve ga.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

Aerenakaa A Mbaapostoli 7:38

Ka un je man a lu ken mkohol u ken taaikôngo a ortyom u a ôr kwagh a na la imôngo sha uwo u Senai, man a uter asev kpaa ye, man shi a ngohol mkaanem ma umam sha u una na se ma kpaa yô.

Mbaromanu 1:2

u A vande tôndon zwa sha u, sha kwaghôron u uprofeti ken icighanruamabera la;

Mbaromanu 2:18

shi u fa ishima Na, shi u karen akaa, u fe a a hembe lun a inja yô, gadia mba tesen we kwagh u ken atindi.

Mbaromanu 3:1

Tsô Oryuda hemba sha nyi? Icôngo yô, ngi a inja sha nyi?

Mbaromanu 3:3

Tsô ka nana? Aluer mbagenev ken ve yan vea lu jighjigh ga yô, mban u jighjigh ve la gema bunde jighjigh u Aôndo?

Mbaromanu 9:4

Ve yô, ka Mbaiserael, ka ve ve lu a mlu u uôn man iengem man uikurmbayan man atindi a i na la, man tom u civir Aôndo man uityendezwa kpaa ye.

1 Mbakorinte 9:17

Aluer m ngu eren kwagh ne sha ishima i gbar gbar yô, m ngu a injar, aluer ka sha ishima i gbar gbar ga kpaa, i nam a na tom sha ikev.

2 Mbakorinte 5:19

Inja na yô, Aôndo lu ken Kristu, lu himen tar a iyol Na, kera na ve ibo sha mbamper mba ve per tindi la ga, shi A na se loho u mhim la sha ikev kpaa.

Mbagalatia 2:7

Kpa ve gema ve nenge er i wam tom u ôron mbaipusuv Loho u Dedoo la sha ikev di er i ver Peteru ken mbaicôngo nahan.

1 Timoteu 6:20

We, Timoteu, kuran kwagh u i we u sha ikev la. Palegh ayôôso a dang a gbilinigh la man anyimanaikaa a i eren aie sha mi er ka kwaghfan la.

Mbaheberu 5:12

Gadia shighe yô, kuma u ma ne lu mbatesen je, kpa i shi i gba ne u orgen nana or ne atôakaa a hiihii a sha akaaôron a Aôndo la, ne hingir mba kwagh a gbe ne u man atumba, kera ka kwaghyan u taver ga.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.

Mpase U Yohane 22:6

A shi A kaa a mo er: Akaaôron angan ka a jighjigh, ka a mimi kpaa. Ter Aôndo u ujijingi mba uprofeti tindi ortyom Na sha u a̱ va tese mbatomov Nav akaa a aa er fefa keng la.