Mbaromanu 3:11 - ICIGHAN BIBILO

¹¹ or u kaven kwagh ngu ga, or u keren Aôndo kpaa nan ngu ga.

Mbaromanu 3:11 Iomraidhean Croise

Upasalmi 53:2

Aôndo shir ashe shin, ngu kenger ônov mba iorov, er Una nenge shin mô u lun a mkav nan ngu, u keren Aôndo.

Upasalmi 53:4

Mbaerenafer cii, mba a kwaghfan je gaa? mba ve ye ior Av er ka ruam ve ye yô? Mba yer sha iti i Aôndo kpaa ga.

Upasalmi 94:8

Ver nen ishima ne ior mbalanenkwagh; man ne abumeaior yô, ka hanma iyange je né fa kwagha?

Anzaakaa 1:22

Ne mbalanenkwagh, ka hanma shighe je lanegh kua de saren ne; man mbapuunakaa kpaa kwaghpuun una de doon ve; abumeaior kpaa aa de u vendan mfe?

Anzaakaa 1:7

Mcie u cian TER, ka mhii u kwaghfan je la, kpa mbalanenkwagh yô, ve laha kwaghfan kua ityesen.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yesaia 65:1

M rumun u ungwan ve mba ve pinem ga la; M rumun Mer ve̱ zua a Mo, ve mba ngise ve kerem ga la; M kaa a ikurior i i yer sha iti Yam ga yô, Mer: M ngun heen ne, M ngun heen ne.

Yesaia 9:13

Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yeremia 4:22

Gadia ior Av lan kwagh, ve fam ga; ka ônov mba lanen kwagh, mba a mkav ga; ve fa u eren iferkwagh, kpa u eren kwagh u dedoo yô, ve fa ga.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Mateu 13:19

Hanma or u ka nana̱ ungwa kwaghôron u tartor man nana̱ kav ga yô, or u ifer a va, a va tsuwe kwagh u i lee ken ishima i nan la kera; ka u i te ivor hen a nan sha kpegbenda je la.

Mbaromanu 1:22

Ve kaa er, ve mba mbafankwagh kpa ve hingir abumeaior.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

Mbaromanu 3:10

Kape i vande ngeren je la er: Or u perapera ngu ga, môm tsô kpaa ga,

Mbaromanu 3:12

Ve cii ve kaha gbenda, kera mba a inja ga, or u eren kwagh u dedoo nan ngu ga, môm tsô kpaa ga.

Mbaromanu 8:7

Gadia ishimaveren i iyolough la ngi ihom a Aôndo. I we iko sha tindi u Aôndo ga, ia fatyô kpaa ga.

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.