Mbaromanu 2:7 - ICIGHAN BIBILO

⁷ Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 2:7 Iomraidhean Croise

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Upasalmi 27:14

Kegh TER, lu dông, ishima you i̱ taver; een, kegh TER. Ka Pasalmi u Davidi

Upasalmi 37:3

Suur sha TER, eren akaadedoo, tema ken tar la, dondo sha kwagh u mimi.

Upasalmi 37:34

Ver ashe hen TER, wa iko sha gbenda Na, tsô Una kende u sha, ú ya dyako u tar, ú nenge mtim u á tim mbaaferev kera yô.

Esekiel 18:17

a dugh uwegh ku nan sha kwaghbo kera, a ngohol mngerem sha injô ga, shin mtsera kpaa ga, a eren sha akaaôron Am a jirigh, man a zenden sha akaawan a Am, una kpe sha ci u iferkwagh i ter na la ga, una lu uma kpee je.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

Luka 21:19

Ka sha ishima yen i wan man né zua a uma wen ye.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

YOHANE 4:36

Orsundan ka nan zua a injar man nan kohol iyiav sha ci u uma u tsôron, sha er orlôôn man orsundan vea ember imôngo yô.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

Mbaromanu 2:10

Kpa iengem man icivir man bem vea lu sha mba ve lu eren dedoo la cii, hii sha or u Yuda kua or u Grika kpaa.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mbaromanu 8:18

M fa, atsan a se ye shighe u ainge ne a kuma sha iengem i á va pase se la ga.

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

1 Mbakorinte 15:42

Kape mnder u shin mbakpenev kpaa, a lu la. Mba lee kwagh u a lu u hôôn yô, kpa mba gem mba nderen kwagh u a lu u hôôn ga yô.

1 Mbakorinte 15:50

Kpa, anmgbianev, m ngu ôron ngun nahan mer: inyam man awambe fatyô u yan dyako u tartor u Aôndo ga, kwagh u a lu u hôôn la kpaa, ye dyako u kwagh u hôôn ga la ze.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

Mbagalatia 6:9

Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:10

Kpa i pase un ken igbar hegen sha mve u Oryiman wase Yesu Kristu u A ngohol ku agee kera, A va a uma man mtsôr ken iwanger sha Loho u Dedoo.

Mbaheberu 2:7

U er nan nan yina sha mbatyomov mba Shaav sha anshighe kpeghee, U cir nan iengem iyol kua icivir kpaa,

Mbaheberu 6:12

sha u iyol i̱ de kera kpeen ne ga, kpa ne̱ hingir mbakaven mba ve ya dyako u uityendezwa sha jighjigh u nan man sha ishima i wan kpaa.

Mbaheberu 6:15

Er a wa ishima gbang, a maa a ngohol ityendezwa la.

1 Yohane 2:25

Man ityendezwa i A tende a vese ne yô, ka uma u tsôron.