Mbaromanu 2:25 - ICIGHAN BIBILO

²⁵ Icôngo yô, ka kwagh u injaa aluer wea kuran atindi yô, kpa aluer wea lu or u peren atindi yô, icôngo you la hingir ipusu ve.

Mbaromanu 2:25 Iomraidhean Croise

Yeremia 4:4

Tsôngo nen ayol a en sha ci u TER, kar nen a apusu a asema a en kera, ne ior mba Yuda kua mba ve tem ken Yerusalem, sha er iyugh Yam i̱ de yeghen er usu nahan, i̱ hia zan zan ma or u pirin nana lu ga ze, sha ci u ifer i aeren a en la.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Mbaromanu 2:13

Gadia ka mbaungwan a ungwa atindi tsô man vea lu mbaperapera sha ishigh ki Aôndo ga, kpa ka mbaeren a er sha atindi la á na ve ishô ye.

Mbaromanu 2:23

We u u wuese wer u ngu a atindi ne u gema u ngu lahan Aôndo sha tindi u peren wouwee?

Mbaromanu 2:26

Nahan yô, aluer or u ipusu nana kura akaawan a ken tindi yô, ipusu i nan la á kera nenge i er ka icôngo nahan gaa?

Mbaromanu 2:27

Nahan or u nan lu ipusu sha marami kpa nan gem nan we atindi iko la nana na u ibo, we u u lu a kwaghngeren man shi icôngo, kpa u gem u per tindi la.

Mbaromanu 2:28

Gadia ka or u nan lu Oryuda sha mnenge u sha ashe la tsô nan lu Oryuda ga, shin ka kwagh u sha mnenge u sha ashe man u ken iyol la a lu icôngo ga.

1 Mbakorinte 7:19

Icôngo yô, ngi ma kwagh ga, ipusu kpaa ngi ma kwagh ga, saa u wan atindi a Aôndo iko.

Mbagalatia 6:13

Gadia mba ve tsenge je kpaa, ve ayol a ve mba kuran atindi ga, kpa sar ve pe ma ne tsenge sha u vea ta ihagh sha iyol yen yô.

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.