Mbaromanu 2:15 - ICIGHAN BIBILO

¹⁵ Ve mba tesen er i nger ieren i sha atindi la ken asema a ve je. Imo ve i ken ishima la kpaa ngi eren shiada, mbamhen vev mba nan ibo ayol a ve, gayô, mba nan ishô ayol a ve,

Mbaromanu 2:15 Iomraidhean Croise

Genese 20:5

Kera ka un iyol na a kaa a mo er: Ka anngôm u kwase ye gaa? Shi kwase iyol na kpaa a kaa er: Ka anngôm u nomso je. Yô, ka sha ishima i gbar gbar man ave am a wang m er kwagh ne ye.

1 Utor 2:44

Tor shi kaa a Shimei er: U fa aferakaa cii a ishima you kpaa i fe yô, a u er a terem Davidi la, yô, TER Una hide a ifer you sha ityough you.

Yobu 27:6

Me kusu perapera wam, me gbihi un ga, ayange a uma wam cii, ishima ngi nan mo ibo sha imô mayange ga.

Orpasenkwagh 7:22

gadia we iyol you kpaa u fa ken ishima you er acin imôngo u toho mbagenev kpaa yô.

YOHANE 8:9

Mba ongo nahan yô, ve gba duen môm môm, hii sha orvesen la je, i undu Yesu tswen, kwase la yô, tile her.

Aerenakaa A Mbaapostoli 23:1

Tsô Paulu bon ashe sha mbaajiriv, kaa er: Ne anmgbianev, m zenden m luun a imo i dedoo ken ishima sha ishigh ki Aôndo zan zan nyian.

Aerenakaa A Mbaapostoli 24:16

Sha kwagh ne yô, m ngu nôngon u lun a imo i dedoo ken ishima gbem her Aôndo kua hen ior kpaa.

Mbaromanu 2:14

Zum u atôatyev a a lu a atindi ga la aa eren akaa a sha tindi la sha gbaaôndo u a yô, á hingir tindi sha ci u ayol a a shin er a lu a atindi ga nahan kpaa.

Mbaromanu 2:27

Nahan or u nan lu ipusu sha marami kpa nan gem nan we atindi iko la nana na u ibo, we u u lu a kwaghngeren man shi icôngo, kpa u gem u per tindi la.

Mbaromanu 9:1

Ka mimi m lu ôron ken Kristu ye, ka aie m eren ga. Imo i ken ishima yam kpaa ngi eren shiada a mo imôngo ken Icighan Jijingi

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 5:11

Nahan yô, er se fe er Ter a lu u cian yô, se mba sendegh a ior; sha ishigh ki Aôndo yô, kwagh wase ngu gbar gbar, man m ngu veren ishima mer, ken imo i ken asema a en di kpaa kwagh wase ngu gbar gbar je.

1 Timoteu 4:2

Ka sha imanger i mbaaiev mba i ver ve ikav ken imo i ken asema a ve er ka sha iyôgh ki acivin nahan.

Titu 1:15

Mba ve lu wang yô, akaa cii nga ve wang je, kpa mbahôngorough man mbanan jighjigh ga yô, ma kwagh ngu ve wang ga, kpa mhen ve kua imo i ken ishima cii hôngor.