Mbaromanu 2:10 - ICIGHAN BIBILO

¹⁰ Kpa iengem man icivir man bem vea lu sha mba ve lu eren dedoo la cii, hii sha or u Yuda kua or u Grika kpaa.

Mbaromanu 2:10 Iomraidhean Croise

Yobu 22:21

Zua vea Aôndo, yô, tema bem bem; ka nahan man ú zua a iveren ye.

Upasalmi 15:2

Ka u nan zenden jighilaa, nan eren perapera, nan er kwagh sha mimi ken ishima i nan,

Upasalmi 29:11

TER Una na ior Nav agee, TER Una ver ior Nav sha bem. Ka Pasalmi u Davidi; ka icam i sha mtsegh u Iyou

Upasalmi 37:37

Ver ishima sha or u vough, shi nenge sha or u mimi kpaa, gadia injar ngi sha ci u or u bem;

Anzaakaa 11:18

Orifer ka nan ngohol injar i kpeegh, kpa u nan lee perapera yô, injar i nan ka i mimi je.

Anzaakaa 8:18

Inyaregh ki hen a mo kua icivir kpaa, een, icôronnyar kua perapera.

Yesaia 26:12

TERE, Ú ver se bem, gadia ityom yase cii kpaa ka We U er se i ye.

Yesaia 32:17

Tom u perapera ua lu bem je; man atam a perapera ka mtem u bem bem man jighjigh u nan gbem sha won.

Yesaia 48:18

Ma u ver ato sha atindi Am, tsô bem wou ma a lu er ifi nahan, man shi perapera wou kpaa ma a lu er agôndo a zegemnger nahan,

Yesaia 48:22

Ma bem kera ngu sha ci u aferaior ga, kape TER A kaa la.

Yesaia 55:12

Gadia nea due a iember, man á hemen ne a bem; iwo kua agungu vea ger icam i wan sha ishigh yenegh, ikon i ken toho cii kpaa ia kure ave.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Yeremia 33:6

Nenge, Me va un a mkpeyol man mwar, Me bee ve angev; Me pase ve mngee u bem u been ga.

Numeri 6:26

TER A̱ ver ishigh Nagh sha we, A̱ na u bem.

Mateu 10:13

Aluer ya la una lu a inja yô, bem wen a̱ lu sha a na; man una lu a inja ga yô, bem wen a̱ hide sha a ven.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 19:42

A kaa er: Kpash, ma u shi fe akaa a a lu nan bem nyian ne; kpa hegen yô, nga myer sha ashe ou.

Luka 22:14

Shighe kom yô, A tema kwaghyan kua mbaapostoli a Na imôngo.

Luka 9:48

A kaa a ve er: Anti or u nana rumun wanye ne ken iti Yam yô, ka Mo je nan rumun ye, man shi anti or u nan rumun Mo yô, nan ngu rumun Un u A tindim la kpaa. Gadia ka or u nan hembe ndahar ken a ven la, ka nan nan lu orvesen ye.

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 10:35

kpa ken hanma ikurior yô, or u nan cie Un, nan eren perapera kpaa yô, Una rumun nan.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 2:9

Ican man ishima i nyian ia tser hanma or u uma u nan eren ifer, hii sha or u Yuda kua or u Grika kpaa.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaromanu 8:6

Ishimaveren i iyolough yô, ka ku, kpa ishimaveren i jijingi ka uma man bem.

Mbaromanu 9:21

Shin ormaantyegh kera ngu a tahav sha inyatyuu sha u una maa ikagh i môm sha u eren kwagh u icivirigh a mi man shi ikagh kigenegh sha u eren kwagh u lun a icivir ga, sha ijennya shon la i môm i môm ga ase?

Mbaromanu 9:23

ka sha u tesen iengem Na i ngeen yum la sha ikav mbi i zungu mbi mhôônom mbi A vande veren mbi sha ci u iengem la.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbafilipi 4:7

man bem u Aôndo u a gande hanma mfe wase cii una kura asema a en man mbamhen enev ken Kristu Yesu ye.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

Mbaheberu 2:7

U er nan nan yina sha mbatyomov mba Shaav sha anshighe kpeghee, U cir nan iengem iyol kua icivir kpaa,

Yakobu 2:22

U nenge er jighjigh u nan a lu eren tom a aeren a na imôngo, nahan jighjigh u nan hingir vough sha aeren la.

Yakobu 3:13

Ka an ken a ven nan lu or u fan kwagh man or u kaven kwagha? Yô, nana̱ pase ase aeren a nan a sha ishima i legh legh i i lu a kwaghfan la sha zende u nan u dedoo.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Peteru 5:4

Zum u Orkuranilev u tamen Una ande yô, né ngohol tsar u engem u sha ityou u usen mayange ga.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.