Mbaromanu 2:1 - ICIGHAN BIBILO

¹ Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

Mbaromanu 2:1 Iomraidhean Croise

Luka 12:14

Kpa A kaa a na er: Nomsoor! Ka an nan verem orjir shin or u karen ne kwara?

Luka 19:22

Kpa a kaa a na er: Ka sha kwagh ôron u ken zwa wou je man me ôr u ijir ye, we ortom u ifer ne! U fa er m lu nomor yô, m tee henpe m ver ga, man m sondo henpe m lee kpaa ga yô.

Luka 6:37

De gbe nan nen or ibo gagh ga, nahan ne kpaa á kera na ne ibo gagh ga ye; de gbe kuren kwagh u or dang ga, nahan ne kpaa á kera kure kwagh wen dang ga, pase tuhwa nen, man ne kpaa á pase ne á tuhwa ye.

Mbaromanu 14:22

Jighjigh u nan u u lu a mi la yô, a̱ lu kwagh wou iyol you vea Aôndo. Or u nan gbe nan iyol i nan ibo ga sha kwagh u nan nenge er ka kwagh u dedoo yô, saan nan iyol.

Mbaromanu 2:2

Se fa ka sha mimi je ijirôron i Aôndo ka i kôr mba ve eren ambaakaa la ye.

Mbaromanu 2:3

We or u ka u gba nan mba ve eren ambaakaa ne ibo tsô, kpa shi u lu eren a iyol you ne, u ngu henen wer ú war ijirôron i Aôndo?

Mbaromanu 3:9

Tsô ka nana? Shi se hemba je kpa? mayange ga. Gadia se vande nan Mbayuda kua Mbagrika ibo cii ser, mba sha ikev i isholibo.

Mbaromanu 9:20

We or, u ngu di nyi ve u hendan kwagh a Aôndo, kwagh u i er un a er la una fatyô u kaan a u a er un la er: Ka nyi u erem nahan, kpa?

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

1 Mbakorinte 7:16

Gadia we kwase, u fa nana, alaghga ú va yima nomu shinii? Man we nom kpaa, u fa nana, alaghga ú va yima kwase wou shinii?

Yakobu 2:20

We orlanenkwagh ne, sar u ka fan er jighjigh u nan u lun a aeren ga la a lu kpenegh kpa?

Yakobu 4:11

Anmgbianev, de er nen kwagh dang sha ayol a en ga. U nan er kwagh dang sha anmgbian shin nan gbe nan anmgbian u nan ibo tsô yô, ka atindiakaa nan lu ôron sha mi dang ye, shi ka atindiakaa man nan gbe nan a ibo tsô kpaa ye. Aluer u ngu nan tindi ibo yô, u kera ngu or u eren sha tindi ga, kpa u hingir or u ôron tindi ijir.