Kpa ka sha mrumun u sha mhôôn u Aôndo je man m lu kwagh u m lu ne ye, man mrumun Na u sha mhôôn u hen a mo la lu gbilin ga, kpa m hemba eren tom a ve cii, nahan kpaa lu mo ga, lu mrumun u sha mhôôn u Aôndo u a lu a mo la.
Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.
Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.
Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.
Ka sha kwagh ne se lu eren tom tsung se lu nôngon sha ican kpaa ye: ka er se ver asema ase se lu keghen Aôndo u uma u A lu Oryiman u ior cii la, jim yô, ka u mbananjighjigh.