Mbaromanu 15:5 - ICIGHAN BIBILO

⁵ Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la,

Mbaromanu 15:5 Iomraidhean Croise

2 Kroniku 30:12

Shi ken Yuda kpaa TER na ve u lun ishima i môm, u eren sha tindi u tor kua atiator, sha imo i TER la.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

Ekesodu 34:6

TER kar sha ishigh nagh gba yôôn er: TERE, TERE, Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je,

Yeremia 32:39

Me na ve ishima i môm man gbenda môm, sha u ve̱ ciam gbem, i̱ kpe ve iyol kua ônov vev mba ken ijime ve;

Esekiel 11:19

Me na ve u lun ishima i môm, Me ver jijingi u he ker a ve; Me dugh iwenshima ken iyol ve kera, Me na ve ishima i inyam;

Aerenakaa A Mbaapostoli 4:32

Ikpelaior i i na jighjigh yô, asema a ve man mhen ve hingir kwagh môm, man shi sha akaa a hanmô ve nan lu a mi la yô, ma or kera kaa er, ka kwagh u nan iyol i nan je la ga, ve nungwa akaa a ve lu a mi la hingir kwagh môm.

Mbaromanu 12:16

Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 15:3

Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo.

1 Mbakorinte 1:10

M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa.

2 Mbakorinte 13:11

Kwagh u a shi yô, anmgbianev, ember nen, sôr nen mbamlu enev, ungwa nen kwaghwan, lu nen ishima i môm, lu nen bem bem man Aôndo u dooshima man u bem Una lu a ven ye.

2 Mbakorinte 7:6

Kpa Aôndo u A surun mba ve hir ayol a ve ijime la asema yô, A sur se ishima sha mve u Titu.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 2:2

iv nen iember yam, lu nen a ishima i veren môm, lu nen ken dooshima môm, lu nen ishima i môm, lu nen a mhen môm kpaa.

Mbafilipi 3:16

Kpa kwagh u se zua a mi la yô, se zende nen sha mi vough.

Mbafilipi 4:2

M ngu wan Yuodia kwagh shi m ngu wan Suntuki kwagh kpaa mer, ve̱ zua, ve lu kwaghmôm ken Ter.

1 Peteru 3:20

Ka ve mba ngise ve lu hemban ato zum u Aôndo lu wan ishima sha ayange a Noa zum u i lu gban tsô la, ka ker man ior kpeghee, ka uuma mba iorov anigheni tsô ve war sha mnger ye.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

2 Peteru 3:15

Man shi fa nen er ishima i wan i Ter wase la i lu myom yô. Kape anmgbian wase u doon se ishima Paulu kpaa, sha kwaghfan u i ne un la a nger ne je ne;

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.