Mbaromanu 15:12 - ICIGHAN BIBILO

¹² Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye.

Mbaromanu 15:12 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

1 Kroniku 2:12

man Boashi mar Obedi, man Obedi mar Yese;

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Yesaia 11:1

Iceren una tser sha ikpughur u Yese, gbaa una due ken amise na, una ume atam je;

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Mateu 12:21

Ka sha iti Na je man akuraior aa veren ishima á keghen ye.

1 Mbakorinte 15:19

Aluer ka sha uma u hegen ne tseegh man se lu a ishimaverenkeghen sha Kristu yô, se hemba kôron mhôônom a ior cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Yohane 3:3

Hanma or u nan lu a ishimaverenkeghen ne sha a Na yô, ka nan wanger iyol i nan er Un kpaa A lu wang nahan.

Mpase U Yohane 22:16

Mo Yesu, M tindi ortyom Wam sha u a̱ er ne shiada sha akaa ne ken iniongo i Kristu. Mo M ngu mise man tsombor u Davidi man shi Ishan i sha use i engem la.

Mpase U Yohane 5:5

Kpa or môm u ken mbatamen la kaa a mo er: De vaan ga. Nenge, Begha u ken kwe u Yuda, Mise u Davidi la, A hemba; nahan Una bugh ruamabera ne kua akav a na a ataankarahar la kpaa.