Mbaromanu 14:9 - ICIGHAN BIBILO

⁹ Ka sha ci u nahan man Kristu kpaa A kpe shi A lu uma ye, ka sha u Una lu Ter u mbakpenev man mbaumav kpaa.

Mbaromanu 14:9 Iomraidhean Croise

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

YOHANE 12:24

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Aerenakaa A Mbaapostoli 10:42

Shi A wa se kwagh er se̱ ôr nongoior la kwaghaôndo, shi se̱ pase kpaa er: Ngun ka u Aôndo ver Un Orjir u mbaumav man mbakpenev je ne.

Mbaromanu 10:9

Aluer u pase sha zwa wou wer, Yesu ka Ter, shi u na jighjigh ken ishima you wer, Aôndo nder Un shin mbakpenev yô, ú war.

2 Mbakorinte 5:14

Dooshima u Kristu ngu mgbeghan se, sha mnenge wase yô or môm kpe sha ci u ior cii, nahan yô, ve cii ve kpe je ve.

1 Mbatesalonika 4:14

Aluer se na jighjigh ser, Yesu kpe, shi hide nder yô, kape mba ve kpe ken Yesu la kpaa, Aôndo Una va a ve a Na imôngo.

1 Mbatesalonika 5:10

A kpe sha ci wase sha er shin sea lu per, shin sea hungul mnyam kpaa, sé lu uma a Na imôngo.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:1

M ngu wan we kwagh sha ishigh ki Aôndo man Kristu Yesu u Una va ôr mbaumav man mbakpenev ijir la, sha m-ande Na man tartor Na la,

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Peteru 4:5

Kpa vea va ôr kwagh ve sha ishigh ki Un u A kegh iyol u ôron mbaumav man mbakpenev ijir la.

Mpase U Yohane 1:18

shi M ngu uma; lu M kpe, kpa nenge, shi M ngu uma gbem sha won, man M ngu a ishindan i kuugh man i Hade kpaa.

Mpase U Yohane 2:8

Nger hen ortyom u nongo u Kristu u hen Semurna wer: Un u A lu u hiihii man u masetyô u a kpe kpa shi A lu uma la, ngu ôron akaa ne nahan er: