Mbaromanu 14:8 - ICIGHAN BIBILO

⁸ Gadia shin sea lu uma, kpa ka sha ci u Ter se lu uma ye, shin sea kpe kpaa, ka sha ci u Ter se kpe ye, nahan yô, shin sea lu uma shin sea kpe kpaa se mba kwagh u Ter.

Mbaromanu 14:8 Iomraidhean Croise

Luka 20:38

Wen yô, ka Aôndo u mbakpenev ga, ka u mbaumav je, gadia ka sha a Na man ve cii ve lu uma ye.

YOHANE 21:19

A ôr kwagh ne nahan lu sha inja i kuugh i una civir Aôndo a mi yô. Kaan ngun nahan yô, A kaa a na er: Dondo sha a Mo.

Aerenakaa A Mbaapostoli 13:36

Gadia Davidi kpaa er a wase kov na tom sha awashima u Aôndo yô, a kpe, i ver un a uter nav imôngo, a nenge a mhee kpaa.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Aerenakaa A Mbaapostoli 21:13

Tsô Paulu gema kaa er: Ka nyi ne eren, ne vaan, ne nem ishima i yinan nahana? Gadia mo yô, m vande kohol iyol, ka sha ci u i̱ kangem a kange tseegh ga, kpa zan zan ku je kpaa, me kpe ken Yerusalem, sha ci u iti i Ter Yesu.

1 Mbakorinte 15:23

Kpa hanma or nana̱ lu sha nongo u nan. Iyiagh ki tsutswagh yô, ka Kristu; kwagh u a dondon yô, ka mba ve lu ior i Kristu sha m-ande Na la,

Mbafilipi 1:20

er m keghen tsung shi m veren ishima kpaa mer, ma m ye kunya sha kwagh môm môm ga, kpa i̱ civir Kristu ken iyol yam vangertiôr je hegen kpaa er i vande lun keke ne nahan, shin a lu sha uma, shin a lu sha ku kpaa.

Mbafilipi 2:17

Kpa aluer a va urum kera er nagh ku urun nahan sha nagh ku i ne kua icighantom u i er u sha jighjigh wen u nan la kpaa, m ember man m ngu ember a ven imôngo cii.

Mbafilipi 2:30

gadia shi côhin ma a kpe sha ci u tom u Kristu, a gbihi uma na sha u ivin kwagh u a shi sha iwasen yen i ne wasem la.

1 Mbatesalonika 5:10

A kpe sha ci wase sha er shin sea lu per, shin sea hungul mnyam kpaa, sé lu uma a Na imôngo.

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.