Mbaromanu 14:2 - ICIGHAN BIBILO

² Orgen ka nan na jighjigh er nan ngu a ian i yan akaa cii, kpa u nan taver ga la yô, ka ikaiue nan ye ye.

Mbaromanu 14:2 Iomraidhean Croise

Genese 1:29

Aôndo shi kaa er: Nenge, M na ne hanma imendenegh ki wan isham, ki ki lu sha tar cii, man hanma kon u ityamegh ki lu sha u, ki lun a ake kimi, a̱ hingir kwaghyan wen.

Genese 9:3

Hanma kwagh u tenger u a lu uma yô, una lu kwaghyan wen; M na ne ve cii, er lu M na ne akaamenden nahan.

Anzaakaa 15:17

Guda u yan ikyaiue henpe dooshima a lu yô, a u yan icôngonbua a ihom ken asema la.

Daniel 1:12

Yô, shi kar mbayev ou ayange pue, i̱ na se ikaiue, se̱ yaan, man mngerem kpaa se̱ maan.

Daniel 1:16

Tsô or u nengen sha a ve la de u nan ve kwaghyan man wain u ma ve maan la, a gema a naan ve ikaiue.

Mbaromanu 14:1

Or u nan taver sha jighjigh u nan ga la kpaa, rumun nen nan, kpa i̱ de lu sha u hendan kwagh sha anyimanakaa ga.

Mbaromanu 14:14

Wanger mo, m fa dedoo ken Ter Yesu mer, ma kwagh gbe lun wang ga iyol na tsô ga, saa or u nan nenge er kwagh a lu wang ga la a lu nan kwagh u wang ga ye.

Mbaromanu 14:20

De vihin tom u Aôndo kera sha ci u kwaghyan ga. Akaa cii nga wang, kpa or u nan ye kwaghyan man nan ne orgen anzughul yô, hingir kwaghbo hen nan ve.

Mbaromanu 15:1

Se mba se lu a agee ne yô, ka u se̱ waan ishima a mbamyina mba mba ve taver ga la, se̱ keren kwagh u doon se ayol a ase la tsô ga.

1 Mbakorinte 10:25

Hanma inyam i i teen hen ijiir i teen inyam la yô, gba yan nen tsô, de pin kwagh sha mi ga, sha ci u imo i ken ishima la.

1 Mbakorinte 8:9

Kpa kura nen ayol, tahav enev mbula mbu̱ de hingir mba ve taver ga la ityôikaa i nôngon gbev ga.

1 Mbakorinte 9:22

Aseeraior yô, m hingir ve er ka isheeror nahan sha u me kôr aseeraior yô. Ior cii m hingir ve hanma kwagh cii, sha u a lu nan nan kpaa, me yima mbagenev yô.

Mbagalatia 2:12

Gadia er mbagenev mba ken Yakobu ve lu a va ga yô, a lu yan kwaghyan a atôatyev imôngo. Kpa mbala mba ve yô, a kem iyol, a pav iyol na kposo, lu cian mba ve lu ken icôngo yô.

1 Timoteu 4:4

Hanma kwagh u Aôndo A gbe cii ka u doon, ma kwagh u vendan ngu ga, aluer á ngohol un sha ishughun yô,

Titu 1:15

Mba ve lu wang yô, akaa cii nga ve wang je, kpa mbahôngorough man mbanan jighjigh ga yô, ma kwagh ngu ve wang ga, kpa mhen ve kua imo i ken ishima cii hôngor.

Mbaheberu 13:9

I̱ de kera daase a ven sha atesen a he anza kposo kposo ga, gadia u taver ishima sha mrumun u sha mhôôn yô, hemba doon a akaa a yan a ya a, mba ve za sha mi la, ve kera zua a iwasen sha mi ga.

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.