Mbaromanu 14:1 - ICIGHAN BIBILO

¹ Or u nan taver sha jighjigh u nan ga la kpaa, rumun nen nan, kpa i̱ de lu sha u hendan kwagh sha anyimanakaa ga.

Mbaromanu 14:1 Iomraidhean Croise

Yobu 4:3

Nenge, we u lu tesen ior kpishi, u taver ave a kpen la.

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 42:3

Ijinga i hemben Una sombo i ga, mou u imenger u yughur mnyim la kpaa Una pir un ga; Una va a ijirôron sha mimi kpaa.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 34:4

I zunen la, ne taver i ga, i uange la ne sôr i ga, i i kever la, ne kange i ga, i i tsum la, ne hide a i ga, man i i saa la kpaa, ne ker i ga; kpa ka sha agee man sha ipila ne tem tor sha i ye.

Sekaria 11:16

Gadia, nenge, veren Yam orkuranilev sha tar, una wa mbisaanshe iko ga, una ker mbi mbi sambe la ga, una kange mbisombon ga, una koso mbitilensha la ga, kpa una ya inyam i mbiwanahôm, una tsuwa apande a mbi.

Mateu 12:20

Ijinga i hemben Una sombo i ga; mou u imenger u yughur mnyim kpaa, Una pir ga, zan zan Una za a ijir hemen, á ar sha mhembe.

Mateu 14:31

Fese nahan Yesu naregh uwegh Nagh, kôr un, kaa a na er: We u u lu a anjighjigh u nan kpeghee ne, ka nyi u te akperana?

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Marku 7:19

Gadia a nyôr nan ken ishima ga, ka ken uya tsô, una shi á za due ken won. Sha u kaan nahan yô, lu wuese akaayan cii.

Luka 17:2

Kwagh u a lu nan guda yô, ka u ma i har nan nase sha mon, ma i gbihi shin zegemnger, a u ma nan ne u môm ken mbakiriki mban gbev mbu nôngon yô.

YOHANE 13:20

Mimi mimi je M kaan ne ne, or u nan rumun hanma or u M tindi yô, nan ngu rumun Mo; man u nan rumun Mo yô, nan ngu rumun Un u A tindim la kpaa.

Aerenakaa A Mbaapostoli 28:2

Ior i heregh la ve er a vese doo je cier iyol, gadia ve keer se usu, ve kua a vese cii sha ci u ura lu nôôn, wuhe kpaa kôr yô.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?

Mbaromanu 14:2

Orgen ka nan na jighjigh er nan ngu a ian i yan akaa cii, kpa u nan taver ga la yô, ka ikaiue nan ye ye.

Mbaromanu 14:21

Doo u yan inyam ga, shin u man msôrom kpaa ga, shin u eren nyityô kwagh i nan anmgbian wou anzughul la kpaa ga.

Mbaromanu 14:3

Or u nan ye la nana̱ de lahan or u nan ye ga la ze, man shi or u nan ye ga la nana̱ de ne or u nan ye la ibo ga, gadia Aôndo rumun nan.

Mbaromanu 15:1

Se mba se lu a agee ne yô, ka u se̱ waan ishima a mbamyina mba mba ve taver ga la, se̱ keren kwagh u doon se ayol a ase la tsô ga.

Mbaromanu 15:7

Nahan yô, rumun nen ayol a en er Kristu kpaa A rumun ne sha ci u iengem i Aôndo nahan.

Mbaromanu 4:19

A kav er iyol na i lu er ka i kpen nahan, anyom a na lu er akunduataan nahan, sagh u Sara kpaa lu ikôm, nahan kpaa jighjigh na u nan ure ga.

1 Mbakorinte 9:22

Aseeraior yô, m hingir ve er ka isheeror nahan sha u me kôr aseeraior yô. Ior cii m hingir ve hanma kwagh cii, sha u a lu nan nan kpaa, me yima mbagenev yô.

Mbafilipi 2:29

Nahan rumun nen un doo doo ken Ter sha iember tsung, waan nen ambaaior la iko;

1 Mbatesalonika 5:14

Anmgbianev, se mba taver ne asema ser, wa nen mba ve eren nzughul nzughul mbala kwagh, taver nen mba ve yen ishima la asema, wasen nen mba ve taver ga yô, waan nen ishima a ior cii.

Mbaheberu 5:14

Kpa kwaghyan u taver yô, ngu sha ci u mbaganden, ka ve mba ve er tom sha mkav u ken ishima la, hoghor ve u paven kwagh u dedoo a kwagh u bo.

2 Yohane 1:10

Aluer hanma or nana va her a ven man nana va a ityesen ne ga yô, de nyer nen a nan ken ya wen ga, msugh tsô kpaa, de sughun nen nan ga.