Mbaromanu 13:12 - ICIGHAN BIBILO

¹² Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol.

Mbaromanu 13:12 Iomraidhean Croise

I Solomon 2:17

zan zan iyange ia ndôhôr man mure kpaa una kar kera ve. Hide, we u u doom ishima ne, hingir er morya nahan, shin er gumashim nahan sha iwo i i pav ahigha la.

Yesaia 2:20

Sha iyange la yô, or nana haa akombo a nan a azurfa kua akombo a nan a zenaria kera, a nan er sha ci u gulen civir a la, nana gema a, nana gbihi ijuhyev man anema,

Yesaia 30:22

Nea hôngor ieev you mbi gban a gba mbi i cir mbi azurfa iyol la, man ieev you mbi haan a haa mbi i cir mbi zenaria iyol la; wea haa mbi kera er kwagh u hôngorough nahan; wea kaa a mbi wer: Kar heen kera.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

1 Mbakorinte 10:11

Akaa ne er ve, lu akav a tesen man i nger a sha u a̱ lu se ityesen, se mba mkur u ashighe a ve sha a vese ne yô.

1 Mbakorinte 7:29

Kpa anmgbianev, m ngu kaan mer, shighe kera vese ga. Hii hegen yô, mba ve lu a kasev kpaa, ve̱ lu er mba a kwase ga yô.

2 Mbakorinte 10:4

Gadia ikav mbi utyav yasev ka mbi iyolough ga, kpa ka mbi ageev sha ishigh ki Aôndo sha ci u yôhôl ayou a utya,

2 Mbakorinte 6:7

man kwaghôron u mimi, man agee a Aôndo, man sha ikav mbi utyav mbi perapera ken uwegh ku yanegh man ku imesegh kpaa,

Mbaefese 4:22

Er nen tseor la kera u a lu sha inja i zende u tsuaa la, u a vihi kera sha asaren a icughugh la.

Mbaefese 5:11

Man de nyer nen nongo a aeren a imegh a a lu a inja ga la ze, kpa guda yô, pase nen a ken igbar.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Mbaheberu 10:25

Se̱ de bundu nen mbamkohol asev mba aduaav er mbagenev ve eren nahan la ga, kpa sé taver nen asema ayol a ase, i̱ seer eren nahan er ne nenge iyange la i lu mgbôghom yô.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

Yakobu 1:21

Nahan yô, gbihi nen hanma kwagh u hôngorough man shi ifer i i dumbur la kera, ngohol nen kwaghôron u i môôr un ken a ven la sha ishima i legh legh, u una fatyô u yiman uuma enev.

Yakobu 5:8

Ne kpaa, wa nen ishima nahan, taver nen asema a en gadia m-ande u Ter mgbôghom ikua ikua je.

1 Peteru 2:1

Nahan undu nen hanma ifer man hanma icugh man imanger man iwuhe man angereke cii kpaa,

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

2 Peteru 3:11

Er akaa cii á va sough kera nahan yô, doo u né lu ken icighanmlu man né lu civir Aôndo nana?

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.

1 Yohane 2:18

Mbayev, ka shighe u masetyô je ne, man er ne ungwa ner Antikristu ngu van yô, shin hegen je kpaa Mbaantikristu due, mba imôngo je, ka nahan man se fe er i lu shighe u masetyô je ne ye.

Mpase U Yohane 1:3

Saan or u ôron akaaôron a profeti ne iyol kua mba ve ongo ve we iko sha akaa a i nger keregh la kpaa, gadia shighe mgbôghom.

Mpase U Yohane 22:10

Shi a kaa a mo er: De cirin akaaôron a profeti a ken ruamabera veren ikav sha mi ga, gadia shighe mgbôghom.