Mbaromanu 13:11 - ICIGHAN BIBILO

¹¹ Kwagh ugen kpaa, ne fa shighe ne gadia ka ihongo i ma ne nder ken mnya je ne, gadia hegen myom hemba mgbôghom a vese a shighe u se na jighjigh hiihii la.

Mbaromanu 13:11 Iomraidhean Croise

Orpasenkwagh 9:10

Hanma kwagh u uwegh ough ku zough a mi u eren yô, er un sha agee ou je, gadia ma tom shin mhen shin mfe shin kwaghfan mba shin Sheol henpe u ze la ga.

Yona 1:6

Nahan orvesen u tso la va hen na, kaa a na er: Ka nyi mnya u yav nahana? Mough sha, yila Aôndo wou, alaghga Aôndo la Una umbur se er sé kera tim ga yô.

Mateu 16:3

A lu pepe yô, ne kaan ner: Nyian Aôndo kohol ura gadia nyian sha man abeen due. Ne mba kaven akaa a sha kwavaôndo, kpa ne mba fetyô u kaven uivande mba ve tesen mlu u ashighe gaa?].

Luka 21:28

Kpa er akaa angan aa hiin u eren yô, nenge nen sha, kende nen ityouv sha, gadia mpaa wen mgbôghom ve.

1 Mbakorinte 10:11

Akaa ne er ve, lu akav a tesen man i nger a sha u a̱ lu se ityesen, se mba mkur u ashighe a ve sha a vese ne yô.

1 Mbakorinte 15:34

Nder nen tsevaa, de nen u eren isholibo. Mbagenev lan kwagh u Aôndo je, M ngu ôron nahan ka iheen yen je.

Mbaefese 5:14

Ka nahan man i kaa er: Nder, we u u yav ne, mough shin mbakpenev, man Kristu Una ta iwanger sha a we bong ye.

Yakobu 5:8

Ne kpaa, wa nen ishima nahan, taver nen asema a en gadia m-ande u Ter mgbôghom ikua ikua je.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

2 Peteru 3:11

Er akaa cii á va sough kera nahan yô, doo u né lu ken icighanmlu man né lu civir Aôndo nana?

2 Peteru 3:9

Ter ngu eren negh negh sha ityendezwa Na la er mbagenev ve nenge er ngu eren negh negh nahan ga, kpa we ishima a ven, mayange sar Un u mbagenev ve̱ tim ga, kpa ior cii ve̱ gema asema.

1 Yohane 2:18

Mbayev, ka shighe u masetyô je ne, man er ne ungwa ner Antikristu ngu van yô, shin hegen je kpaa Mbaantikristu due, mba imôngo je, ka nahan man se fe er i lu shighe u masetyô je ne ye.

Mpase U Yohane 1:3

Saan or u ôron akaaôron a profeti ne iyol kua mba ve ongo ve we iko sha akaa a i nger keregh la kpaa, gadia shighe mgbôghom.

Mpase U Yohane 22:10

Shi a kaa a mo er: De cirin akaaôron a profeti a ken ruamabera veren ikav sha mi ga, gadia shighe mgbôghom.

Mpase U Yohane 22:12

Nenge, M ngu van fefa, injar Yam kpaa ngi a Mo, sha u Me na hanma or er tom u nan u lu yô.

Mpase U Yohane 22:20

Un u A er shiada sha akaa ne ngu kaan er: Een, M ngu van fefa. Amen, va, Ter Yesu.