Mbaromanu 12:9 - ICIGHAN BIBILO

⁹ Dooshima a̱ de lu sha imanger ga, nyagh nen kwagh u a lu u ifer, var nen sha kwagh u dedoo.

Mbaromanu 12:9 Iomraidhean Croise

Upasalmi 101:3

Me kera ver kwagh u dang sha ashe am mayange ga; m kôr aeren a mba ve kaha ve undu gbenda la ihom, aa var a mo ga.

Upasalmi 119:104

Ka sha uiniezwa Ou m zough a mkav ye, ka nahan man m ker hanma gbenda u aiegh ihom ye.

Upasalmi 119:163

Icugh vihim ishima, i ndôhôr mo ishima kpaa, kpa atindiakaa a Ou gema doom ishima.

Upasalmi 34:14

De ifer, eren akaa a dedoo, ker bem, zenda un ityô kpaa.

Upasalmi 36:4

ka nan hen ifer sha gambe u nan, nan ver ishima i nan sha gbenda u u doo ga yô; kwaghbo ndôhôr nan ishima ga.

Upasalmi 45:7

perapera doo U ishima, kpa iferkwagh yô, vihi U ishima, ka nahan man Aôndo, Aôndo Wou, A shigh U mkurem ma iember hemba mba kwav Wou ye.

Upasalmi 55:21

zwa na leghem er ka ahôm a bua yô, kpa ishima na yô, ka ityav tseegh; akaaôron na hemba leghem a mkurem, nahan kpaa ka usanker mba i tsough yô.

Upasalmi 97:10

Ne mba TER A doo ne ishima yô, kôr nen kwaghbo ihom. Un koson uuma mba mba i doo Un a ve la, A yima ve sha ikev i mbaaferev.

Anzaakaa 26:25

aluer nana ôron kwagh sha zwa u dedoo kpaa, de ne nan jighjigh ga, gadia akaa a ndôhôrshima nga nan ken ishima ataankarahar;

Anzaakaa 8:13

Mcie u cian TER yô, ka u vendan kwaghbo je; iyolmoron man iceen man gbenda u bo kua zwa u u er kwagh sha ifer yô, m vende.

Esekiel 33:31

Mba van her a we er ior ve ve nahan, ve tema sha ishigh you er ka ior Av nahan, ve ungwa akaaôron a ou, kpa mba eren sha a ga; gadia mba tesen dooshima ve sha zwa kpishi, kpa ishima ve yô, ngi sha mtsera ve.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Mateu 26:49

Fese nahan a za hen Yesu jighilii a kaa er: M sugh U, Ortesen! Tsô a gba susen Un zwa.

YOHANE 12:6

A kaa nahan, kpa lu sha ci u a wa mbaatsanev iko ga, kpa lu sha ci u un lu ormbaiv yô, man er a tilin ikpanyar yô, a dughun kwagh u i we kimi la.

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

2 Mbakorinte 6:6

man mlu u wang, man kwaghfan, man ishima i wan, man mlu u sar sar, man Icighan Jijingi, man dooshima u lun a imanger ga,

2 Mbakorinte 8:8

M ngu ôron kwagh ne ka sha u wan a wa tindi ga, kpa m ngu tôôn ishimaveren i mbagenev m ngu karen mimi u dooshima wen a mi.

1 Mbatesalonika 2:3

Gadia ityesen yase ka i sha mtsum, shin i hôngorough kpaa ga, shin sha atseregh kpaa ga.

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

1 Mbatesalonika 5:21

Kpa karen nen akaa cii, kôr nen u dedoo la gbang je.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

Mbaheberu 1:9

Perapera doo U ishima, U gema U nyagh mvende u vendan atindi la. We Aôndo, ka nahan man Aôndo Wou haa U mkurem ma iemberegh hemba mbakwav Wou ye.

Mbaheberu 12:14

Nôngo nen ngegh u lun bem a ior cii shi nôngo nen sha u lun a icighanmlu kpaa, u ma or u nana ban a mi yô, nana nenge a ter ga la.

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 4:8

Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.