Mbaromanu 12:8 - ICIGHAN BIBILO

⁸ or u i ne nan u wan kwagh yô, nana̱ waan kwagh; or u nan iwua kpaa, nana̱ na sar sar; or u nan hemen ior kpaa i̱ lu sha ishima i tseen; or u nan zungu mhôônom kpaa nana̱ zungwen saan saan je.

Mbaromanu 12:8 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

Upasalmi 112:9

nan sar, nan na mbaibanave; perapera u nan una lu gbem sha won je; á kende korough ku nan sha, sha icivir.

Upasalmi 37:21

Iferor ka nan ya injô, nan kimbi ga, kpa orperapera yô, mhôônom ma ker nan, ka nan gba nan tsô.

Anzaakaa 22:9

Or u nan lu a ishe i zungwen mhôônom yô, nana zua a iveren, gadia nan pande kwaghyan u nan, nan na mbaatsanev.

Orpasenkwagh 11:6

Lôô ivor you pepe, man aikighe kpaa de hiden a uwegh ough ga; gadia u fa i ia doo la ga, shin ka ngin shin ka ngila, shin ihiar cii ia doo u.

Orpasenkwagh 9:10

Hanma kwagh u uwegh ough ku zough a mi u eren yô, er un sha agee ou je, gadia ma tom shin mhen shin mfe shin kwaghfan mba shin Sheol henpe u ze la ga.

Yesaia 32:5

Á kera yila ibumeor er ormimi mayange ga, oratseregh kpaa, á yila nan er, orinjaa ga.

Yesaia 32:8

Kpa ormimi ka nan henen akaa a mimi, ka nan tile sha akaa a mimi gbem je.

Yesaia 64:5

Or u nan eren perapera saan saan la yô, U kegh nan gbenda, ka mba ve umbur We sha igbenda You. Nenge, U yuwe, se kpaa se er asorabo, se lu ken a ica i gba, nahan sé war je kpa?

Mateu 25:40

Tsô Tor la Una gema Una kaa a ve er: Mimi je M kaan ne ne, er ne er a mô gen u ken anmgbianev Av mba hemban gban ijime mban nahan yô, ka Mo je ne er a Mo nahan ye.

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 13:12

Tsô er gomna nenge kwagh u i er la yô, maa a na jighjigh kpiligh un iyol a ityesen i Ter.

Aerenakaa A Mbaapostoli 13:15

Mba er atindiakaa kua akaa a uprofeti kera yô, mbavesen mba shinagoge la tindi hen ve, kaa er: Ne anmgbianev, nea lu a ma kwaghôron u taver ior ishima yô, ôr nen.

Aerenakaa A Mbaapostoli 15:32

Nahan Yuda man Shila, er ve ayol a ve kpaa ve lu uprofeti yô, ve nyôôso anmgbianev asema sha akaaôron kpishi, shi ve taver ve asema kpaa.

Aerenakaa A Mbaapostoli 20:2

Er a kar ken ityar i keela yô, a taver ve asema sha kwaghôron kpishi, maa a va ken tar u Grika.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 4:36

Yosev, u mbaapostoli seer un iti er Barnaba (inja na yô, er, ka wan u surun ishima je la), lu or u Levi, man tsombor na yô, lu or u Shiperu,

Mbaromanu 12:13

Wasen nen uicighanmbaiorov sha ugbayol vev, eren nen a mbavannya dedoo.

Mbaromanu 13:6

Ka sha ci u nahan ne lu tan kpandegh kpaa ye, gadia ve ka mbatomov mba Aôndo, ka sha kwagh ne je ve ver ishima sha mi ye.

1 Mbakorinte 12:28

Man Aôndo ver mbagenev ken nongo u Kristu: hiihii yô, ka mbaapostoli, u dondon yô, ka uprofeti u cirin yô ka mbatesen, u gbiren sha mi yô, ka ityom i ageegh, u masen la yô, ka uiwua mba sha mrumun u sha mhôôn sha u been angev, man uiwasen man mnenge u nengen sha akaa, man ijô kposo kposo kpaa.

1 Mbakorinte 14:3

Kpa or u nan er kwaghôron u profeti yô, ka ior je nan er kwagh a ve ye, sha u maan ve a maa man sha u surun ve asema man shi u taver ve asema kpaa.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

2 Mbakorinte 11:3

Kpa m ngu cian mer, alaghga á va vihi mbamhen enev né undu mlu u mimi [man u wang] u ken Kristu la er iyô mee Ifa sha atseregh a i nahan.

2 Mbakorinte 8:12

Gadia aluer gbashima una lu yô, á rumun un sha kwagh u or nan lu a mi la, ka sha kwagh u nan lu a mi ga la ga.

2 Mbakorinte 9:11

né lu a kwagh ave sha ci u nan hanma iwua gengee gengee, sha tom wase ne, á hingir u wuese Aôndo sha mi.

2 Mbakorinte 9:13

Sha ikav i tesen i tom ne yô, mba civir Aôndo sha ci u ne we iko ne rumun Loho u Dedoo u Kristu man sha ci u ne kar kwar a ve gengee gengee man a mbagenev cii kpaa.

2 Mbakorinte 9:7

Hanma or nana̱ na er nan we ken ishima i nan la nahan, i̱ de lu zunguluu ga, i̱ de lu sha apera kpaa ga, gadia ka or u nan ne kwagh sar sar la je nan doo Aôndo ishima ye.

Mbaefese 6:5

Ne mbashirentom kpaa, ungwan nen imo i mba ve lu uter enev ken iyol la sha mcie man ikarikase iyol kpaa, i̱ lu sha mimi u ken asema a en er ka Kristu nahan.

Duteronomi 15:14

wa nan ikav dedoo, pande ilev you man kwagh u sha vande wou u gbidyen alakema sha mi la, man sha ihungwa you i shoghol wain shimi, na nan sha mver u TER, Aôndo wou, A ver u yô.

Duteronomi 16:11

ember sha ishigh ki TER, Aôndo wou, we man wan wou u nomso man wan wou u kwase man kpan wou u nomso man kpan wou u kwase man Orlevi u nan nyer u a nyôr, man shiror man ancôghol kua kwasecôghol mba ve lu a we, hen ijiir i TER, Aôndo wou, Una tsuwa sha u Una ver iti Na i̱ lu ker la.

Mbakolose 3:22

Ne mbashirentom kpaa, ungwan nen imo i uter enev mba ken iyol ken akaa cii, i̱ de luun tom u sha ashe a ior er mbadoon ityough a ior nahan ga, kpa i̱ lu sha ishima i môm man sha u cian Ter.

1 Mbatesalonika 2:3

Gadia ityesen yase ka i sha mtsum, shin i hôngorough kpaa ga, shin sha atseregh kpaa ga.

1 Mbatesalonika 2:8

Kape se kpaa, er ne sar se yum yô, kera doo se u nan ne Loho u Dedoo u Aôndo tseegh ga, kpa zan zan kua uma wase je kpaa, gadia ne hingir mbadoon se ishima kpishi.

1 Timoteu 4:13

Ver ishima u ôron ior Bibilo man u wan kwagh man shi u tesen zan zan me kar van.

1 Timoteu 5:17

Mbatamen mba ve nengen sha ior dedoo yô, i̱ wa ve iko kwa har je, jim yô, ka mba ve lu pasen kwaghaôndo shi ve lu tesen kpaa la.

1 Timoteu 6:18

Ve̱ eren akaa a dedoo ve̱ lu mbanyarev sha aeren a dedoo, ve̱ naan iwua, ve̱ panden kwagh ve̱ naan mbagenev kpaa,

Mbaheberu 10:25

Se̱ de bundu nen mbamkohol asev mba aduaav er mbagenev ve eren nahan la ga, kpa sé taver nen asema ayol a ase, i̱ seer eren nahan er ne nenge iyange la i lu mgbôghom yô.

Mbaheberu 13:17

Ungwan nen imo i mbahemenev enev, hide nen a ayol a en ijime hen ve gadia mba kuran uuma enev er ka ior mba vea za pase kwagh u ve er la keng nahan. Ve̱ er nahan saan saan i̱ de lu sha ishima i vihin ga, gayô, á lu ne a inja ga.

Mbaheberu 13:22

Anmgbianev, m ngu wan ne kwagh mer, wa nen iko sha kwaghôron u taver ne asema ne gadia m nger ne tiônôô tsô.

Mbaheberu 13:24

Sugh nen mbahemenev enev cii kua uicighanmbaiorov cii kpaa, nam nen. Mba ve lu Mbaitalia la mba sughun ne.

Mbaheberu 13:7

Umbur nen mbahemenev enev, ve mba ve ôr ne mkaanem ma Aôndo, ver nen ishima sha mkur u zende ve man shi kav nen jighjigh ve u nan kpaa.