Mbaromanu 12:7 - ICIGHAN BIBILO

⁷ or u i ne nan tom u eren kpaa, nana̱ eren u je; or u i ne nan tom u tesen kpaa, nana̱ tesen je;

Mbaromanu 12:7 Iomraidhean Croise

Upasalmi 34:11

Va nen, ne mbayev, va ver nen ato her a mo; me tese ne u cian TER.

Upasalmi 51:13

Tsô me tese mbaerenakaabo igbenda You, mbaasorabo kpaa vea gema asema, vea hide her a We.

Orpasenkwagh 12:9

Man shi er Orpasenkwagh a lu orfankwagh yô, a gba zan hemen u tesen ior mfe; een, a hen, a time, a dugh anzaakaa kpishi.

Yesaia 21:8

Tsô u a nenge la ngor ikenge er: Nenge, Tere! Ka sha gôgôyou u taven u kuran sha mi ka m tile, m shi her didi; man sha ijiir yam i kuran, ka m tile, m lu heregh kuran hanma tugh.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

Aerenakaa A Mbaapostoli 13:1

Uprofeti man mbatesen lu ken nongo u Kristu u u lu ken Antioki la, lu: Barnaba man Shimeon u i yilan er Niger la, man Lushiu or u Shirene, man Manaen u a lu orkwav u Herode u Tetera la, man Saulu.

Aerenakaa A Mbaapostoli 20:20

man shi ityough yuhwam sha u pasen ne hanma kwagh u lun a inja ga, man u tesen ne akaa ken igbar man ken uya enev kpaa ga,

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 6:1

Tsô sha ayange la er mbahenen lu ngeen yô, ahon gba Mbayuda mba ve lu ken Mbagrika la a Mbaheberu sha ci u i wa kasev mba côgholov vev iko sha gbayol ve u ayange ayange ga yô.

1 Mbakorinte 12:28

Man Aôndo ver mbagenev ken nongo u Kristu: hiihii yô, ka mbaapostoli, u dondon yô, ka uprofeti u cirin yô ka mbatesen, u gbiren sha mi yô, ka ityom i ageegh, u masen la yô, ka uiwua mba sha mrumun u sha mhôôn sha u been angev, man uiwasen man mnenge u nengen sha akaa, man ijô kposo kposo kpaa.

1 Mbakorinte 12:5

Ityom kpaa ngi atôghatô, kpa ka Ter môm tsô.

1 Mbakorinte 14:26

Nahan yô, anmgbianev, kwagh ne ngu nana? Ka nea kohol ijiir i môm yô, hanmô wen nan lu a icam shin ityesen shin mpase shin u lamen ma zwa, shin u pasen inja i u. Yô, i̱ er hanma kwagh cii sha u maan a maa.

Mbagalatia 6:6

Or u i lu tesen nan kwaghôron u Aôndo yô, nana̱ kar akaa a doon cii vea or u tesen la.

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Duteronomi 33:10

Vea tese Yakob akaaôron a Ou a jirigh, vea tese Iserael tindi Wou; Vea ver kwaghhumandoon sha ishigh You, man nagh ku nanden ku jimin sha atse Ou a nanden nagh sha mi la.

Mbakolose 4:17

Kaa nen Arekipu ner: Ver ishima sha tom u u ngohol hen Ter la sha u eren u sha mi vough.

1 Timoteu 2:7

Ka sha kwagh ne man i verem or u yôôn man apostoli kpaa ye, ka mimi m er ye, ka aie m eren ga, i verem ortesen u atôatyev u sha jighjigh u nan man mimi.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

1 Timoteu 4:16

Ver ishima sha iyol you man ityesen you kpaa, taver ishima sha mi. Aluer ú er nahan yô, ú yima iyol you kua shi mba ve lu ungwan we la kpaa.

1 Timoteu 5:17

Mbatamen mba ve nengen sha ior dedoo yô, i̱ wa ve iko kwa har je, jim yô, ka mba ve lu pasen kwaghaôndo shi ve lu tesen kpaa la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:2

Akaa a u ungwa hen mo, mbashiada kpishi kpaa lu her la, gema wa sha ikev i ior mba ve lu jighjigh mba vea kuma u tesen mbagenev kpaa yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:24

Kpa kpan u Ter yô, ka u nana̱ lu or u ayongo ga keng, kpa nana̱ lu sar sar a ior cii, nana̱ lu or u fan ityesen man or u wan ishima kpaa,

WASHIKA U SHA UHAR U PAULU APOSTOLI TINDI HEN TIMOTEU - 2TI 4:2

mer, yôô kwaghôron Na wa iyol sha mi keghen a kegh, a lu sha ian i doon, shin a lu sha ian i doon ga kpaa, kôôm, yangen, waan kwagh, sha ishima i wan tsung man sha ityesen kpaa.

1 Samuel 12:23

Kpa mo yô, mayange me er TER kwaghbo ga, sha u den u eren msen sha ci wen la; kpa me zer tesen ne gbenda u dedoo kua u mimi gbem.