Mbaromanu 12:6 - ICIGHAN BIBILO

⁶ Se mba a uiwua kposo kposo sha inja i mrumun u sha mhôôn u i ne se la, shin a lu u ôron kwaghôron u profeti, kpa i̱ lu sha inja i jighjigh u nan;

Mbaromanu 12:6 Iomraidhean Croise

Mateu 23:34

Sha ci u nahan yô, M ngu tindin ne a uprofeti man ior mba fan kwagh man mbangeren; né wua mbagenev, né mande mbagenev sha terankon, shi mbagenev yô, né gbidye ve akpa ken ushinagoge enev, né tôv ve a ican ityô sha agar agar;

Mateu 25:22

Shi un u a ngohol talenti uhar la kpaa, za va, va kaa er: Tere, iyange u nam talenti uhar: yô, nenge ase, m shi m zua a talenti uhar sha mi.

Luka 11:49

Ka sha ci u nahan man mfe u Aôndo kaa er: Me tindi ve a uprofeti man mbaapostoli; vea wua mbagenev, vea tôv mbagenev a ican;

Aerenakaa A Mbaapostoli 13:1

Uprofeti man mbatesen lu ken nongo u Kristu u u lu ken Antioki la, lu: Barnaba man Shimeon u i yilan er Niger la, man Lushiu or u Shirene, man Manaen u a lu orkwav u Herode u Tetera la, man Saulu.

Aerenakaa A Mbaapostoli 15:32

Nahan Yuda man Shila, er ve ayol a ve kpaa ve lu uprofeti yô, ve nyôôso anmgbianev asema sha akaaôron kpishi, shi ve taver ve asema kpaa.

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Aerenakaa A Mbaapostoli 21:9

Or la lu a ônov mba kasev unyiin, anuunaukase, ve ôron kwaghôron u profeti.

Mbaromanu 1:11

Gadia hangem pe zuan ishigh a ven sha u ma m ne ne ma iwua i sha mrumun u sha mhôôn sha u taver ne yô.

Mbaromanu 12:3

M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

1 Mbakorinte 12:18

Kpa hegen Aôndo ver alegh ken iyol hanmôgh ser ser er i doo Un yô.

1 Mbakorinte 13:2

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.

1 Mbakorinte 14:1

Za nen a dooshima ityô kpa nôngo nen ngegh sha u zuan a uiwua mba sha jijingi, kpa hemba veren nen ishima sha u ôron kwaghôron u profeti.

1 Mbakorinte 14:24

Kpa aluer ve cii vea lu ôron kwaghôron u profeti yô, man orgen nana nyôr, a lu or u nan jighjigh ga, shin or u fan kwagh la ga yô, nahan ve cii vea kôôm nan, ve cii vea kar nan kpaa,

1 Mbakorinte 14:29

Uprofeti yô, ve̱ ôr kwagh, ior ihiar shin itiar, mbagenev di ve̱ gema ve̱ kar kwaghôron la.

1 Mbakorinte 3:5

Apolo ngu di nyi je? Man Paulu yô, ngu di nyi? Ka mbatomov mba i lu tom ve man ne gem ne ne jighjigh ye, sha inja i Ter A ne hanmô wase la.

1 Mbakorinte 7:7

Kpa sarem u ior cii ma ve gbe lun er mo nahan tsô. Kpa hanma or nan zua a iwua i nan her Aôndo iyol i nan; orgen nan ngu a mi nahan, orgen di nan ngu a mi kposo.

2 Mbakorinte 8:12

Gadia aluer gbashima una lu yô, á rumun un sha kwagh u or nan lu a mi la, ka sha kwagh u nan lu a mi ga la ga.

Mbaefese 3:5

Ken ikov igen yô, i lu a pase ônov mba iorov kwagh ne er hegen i pase uicighanmbaapostoli Nav kua uprofeti ken Jijingi nahan ga,

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Mbafilipi 3:15

Nahan se mba se hingir vough la yô, se lu nen a mhen ne. Man aluer mhen wen una kaha kposo sha ma kwagh yô, heera kpaa, Aôndo Una pase ne.

1 Mbatesalonika 5:20

De lahan akaaôron a uprofeti ga.

2 Peteru 1:20

Kwagh u hiihii yô, fa nen kwagh ne, ma kwaghôron u profeti u ken icighanruamabera ka kwagh u or nana gba pasen iyol i nan tsô ga.