Mbaromanu 12:3 - ICIGHAN BIBILO

³ M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

Mbaromanu 12:3 Iomraidhean Croise

Anzaakaa 25:27

Iyough i yan kpishi doo ga, kpa u timen sha akaavesen yô, ka kwagh u icivirigh.

Anzaakaa 26:12

U nenge or u nan lu a kwaghfan sha mnenge u nan iyol i nana? Yô, guda ibumeor a nan.

Orpasenkwagh 7:16

De eren perapera a̱ karen ikaa inya ga, man shi de luun a kwaghfan a̱ karen ikaa inya ga; inja na nan man ú va tim iyol youwe?

Mika 6:8

Yô, A tese u, kwagh u dedoo, we or; tsô ka nyi TER A keren her a we, saa u eren kwagh u mimi man u soon u zungwen mhôônom, man u hiden a iyol ijime er u zenden vea Aôndo wou la gaa?

Luka 18:11

Orfarishi la tile sha, gba eren msen sha ci na iyol na sha akaa ne nahan er: Aôndo, m sugh U sha ci u m lu er ior mbagenev nahan ga yô; anza er uityusenmbaiorov man mba lun a mimi ga man mbadyarev man orngoholkpandegh ne nahan kpaa.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

Mbaromanu 1:5

Ka hen a Na se ngohol mrumun u sha mhôôn man tom u apostoli ye, sha u akuraior cii a̱ wa jighjigh u nan la iko sha ci u iti Na yô.

Mbaromanu 11:20

Kape i lu je la. Ka sha jighjigh ve u nan ga la i asegh ve kera ye. We yô, ka sha jighjigh u nan u til ye. Yô, de gengese iyol ga, cian kwagh.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 12:16

Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

1 Mbakorinte 15:10

Kpa ka sha mrumun u sha mhôôn u Aôndo je man m lu kwagh u m lu ne ye, man mrumun Na u sha mhôôn u hen a mo la lu gbilin ga, kpa m hemba eren tom a ve cii, nahan kpaa lu mo ga, lu mrumun u sha mhôôn u Aôndo u a lu a mo la.

1 Mbakorinte 3:10

Ka sha mrumun u sha mhôôn u Aôndo u i nem la man m tim imagh er orfanmaa nahan ye, orgen nan kar nan ngu maan sha mi, kpa hanma or nana̱ er teghelee sha mmaa u nan maan sha mi la.

1 Mbakorinte 7:17

Kwagh u a lu yô, hanma or nana̱ zenden sha kwar u Ter A ne nan yô, man shi er Aôndo A yer nan yô. Kape m we tindi ken hanma nongo u Kristu cii je ne.

2 Mbakorinte 10:13

Kpa se yô, sé ta ihagh á kar ikaa inya ga, kpa sé kighir sha ikighir i Aôndo A ver se i ne kpaa ne lu ker la.

2 Mbakorinte 12:13

Ka sha nyi je ne yen sha iniongo i Kristu igene, saa di er mo iyol yam m ze ne iyol ga la, shinii? Shi dem nen kwaghbo ne tsô.

2 Mbakorinte 12:7

sha ci u mbampase mba sha mnenge mba ve gande la. Sha u m̱ de kenden iyol sha yum ga la, i nam saa ken iyol, ka ortyom u Satan je, sha u a̱ gbidyen mo, m̱ de kenden iyol sha yum ga yô.

Mbagalatia 6:3

Aluer ma or nana hen er nan ngu ma kwagh kpa nan gba kwagh ga yô, nan ngu tsughun iyol i nan.

Mbaefese 3:2

gayô ne ungwa kwagh u tom u i wem sha ikev sha ci wen la sha mrumun u sha mhôôn u Aôndo,

Mbaefese 3:4

Aluer ne ôr ngula yô, ne fatyô u fan mkav wam u m kav kwagh u myer u Kristu la.

Mbaefese 4:16

Ka ken a Na man iyol cii er i magh i, i zua i sha iwasen i hanma ijuan i i lu ker yô, sha tom u hanma ilyeegh ki lu eren sha inja i ki la, i lu vesen i lu maan iyol i i ken dooshima ye.

Mbafilipi 2:13

gadia ka Aôndo je A lu eren tom ken a ven ye, sha u kwagh u a doo Un la a̱ sar ne, shi ne̱ eren sha mi kpaa.

Mbakolose 1:29

Ka sha kwagh ne je m lu eren tom, m lu nôngon ngegh sha ieren Na i A eren ken mo sha agee la.

Mbakolose 2:13

Man ne mba ne lu kpenegh ken aferakaa man ken ipusu i iyolough yen yô, A na ne uma a na imôngo, A de se atindi a se per la cii.

1 Timoteu 1:14

Kpa mrumun u sha mhôôn u Ter wase ngee gande man jighjigh u nan kua dooshima mba ve lu ken Kristu Yesu la.

1 Timoteu 2:15

Kpa una war sha ônov mba maren aluer una tile ken jighjigh u nan man dooshima man mtsegh man u eren kwagh sha kwaghfan yô.

1 Timoteu 2:9

Shi sarem pe kasev di kpaa ve̱ wuhan ayol a ve daalaa, i̱ lu sha kwaghfan man akuma akuma kpaa, i̱ de lu sha gbatyou u gban, shin sha zenaria shin sha utagbede shin sha akondo a taver ishe kpaa ga,

Titu 2:12

Ngu tesen se er se̱ venda mwe u i wa Aôndo iko ga la man asaren a taregh kpaa, se̱ zenden tsev tsev man sha jighjigh man sha mciviraôndo kpaa ken tar u ainge ne,

Titu 2:2

Wa mbaganden kwagh wer, ve̱ lu per, ve̱ tema sha inja sha inja, ve̱ lu tsev tsev, i̱ kpe jighjigh ve u nan la iyol kua dooshima man ishima i wan ve la kpaa.

Titu 2:4

Nahan man vea wa kasev mba kiriki kwagh er noov vev ve̱ doo ve asema kua shi ônov vev kpaa,

Titu 2:6

Kape mbayevikaior kpaa, wa ve kwagh la, ve̱ lu tsev tsev sha akaa cii.

Yakobu 4:6

Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.

1 Peteru 1:13

Nahan yô, nyôôso nen mfe wen, shi lu nen geng ge geng, ishimaverenkeghen yen i̱ lu sha mrumun u sha mhôôn u i lu van ne a mi sha m-ande u Yesu Kristu la vough.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

1 Peteru 5:8

Lu nen geng ge geng shi kuran nen kpaa, orihom wen diabolo ngu zenden er begha u tan kume nahan, keren or u una ya yô.

3 Yohane 1:9

M nger nongo u Kristu kwagh, kpa Diotrefe, u tamen a doo un ken a ven yum la, a rumun se ga.