Mbaromanu 12:2 - ICIGHAN BIBILO

² De hingir nen inja i môm a tar ne ga, kpa i̱ gema ne sha mgem u he u mhen wen sha er né kav er ishima i Aôndo i lu yô man kwagh u a doo man a kom u rumun un man shi a lu vough la kpaa yô.

Mbaromanu 12:2 Iomraidhean Croise

Esera 10:11

Hegen yô, pase nen ase TER, Aôndo u uter enev, kwaghbo wen, er nen ishima Na; kem nen iyol a atôatyev a tar ne kua kasev mba atôatyev kpaa.

Upasalmi 119:103

Mkaanem Ou zam zwa zee! Een, a hembam zam zwa a iyough i ken toho kpaa.

Upasalmi 119:128

Ka nahan man me ver angahar a am jighilii sha uiniezwa Ou cii ye, shi m ker hanma gbenda u aiegh ihom.

Upasalmi 119:174

M ngu veren ashe sha myom Wou TERE, atindiakaa a Ou kpaa nga iember yam je.

Upasalmi 119:72

Atindiakaa a sha zwa Wou hembam agbenger a zenaria man a azurfa udubu je.

Upasalmi 119:97

Atindiakaa a Ou, doom ishima zee! Kam kwagh u shin henen sha mi didi.

Upasalmi 34:8

Bende, nenge nen, TER ka u doon je; saan or u nan suur sha a Na la, iyol.

Upasalmi 51:10

Gba ishima i wang ken a mo, Aôndo, shi ver jijingi u he u taver ken a mo.

Ekesodu 23:2

De dondo ikpelaior sha ifer i eren ga; shi de eren shiada sha kwagh nyôron nongo a ikpelaior sha u vihin ijir ga;

Esekiel 18:31

Haa nen asorabo a en, a ne er la cii kera, wa nen ishima i he man jijingi u he kpaa, gadia ka sha ci u nyi né kpe, we ya u Iseraele?

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Marku 4:19

kpa anzughul a tar ne a nyian ishima kua icugh i inyar man asaren a sha akaa agen cii vea va yô, ve imbishi kwaghôron la, nahan a kera ume atam ga.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

Mbaromanu 12:1

Anmgbianev av, m ngu zamber a ven sha mhôônom ma kôron ma Aôndo mer, gema nen ayol a en na nen nagh ku uma a mi, icighannagh ku doon Aôndo, ka mciviraôndo wen u ken jijingi je la.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

Mbaromanu 7:12

Nahan yô, atindi ka icighankwagh, tindi kpaa ka icighankwagh shi kwagh u jighjigh man u doon kpaa.

Mbaromanu 7:14

Gadia se fa atindi ka kwagh u ken jijingi, kpa mo yô, ka ken iyol m lu ye, i teem, isholibo i yamem.

Mbaromanu 7:22

Or u ken a mo u ker atô la ngu rumun atindi a Aôndo saan saan je.

1 Mbakorinte 3:19

Gadia kwaghfan u tar ne ka Aôndo ibumekwagh je. Gadia i nger er: Un u A ker mbafankwagh sha atseregh a ve la,

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

Mbagalatia 1:4

u A ne iyol Na sha ci u asorabo ase, sha u Una dugh se ken tar u ainge u ifer ne kera, sha ishima i Aôndo Ter wase.

Mbaefese 1:18

shi A̱ wanger ne ashe a asema a en sha u né fa er ishimaverenkeghen i myer u A yila ne la i lu yô, man shi er iengem i ngeen yum i dyako Na u ken uicighanmbaiorov i lu yô,

Mbaefese 2:2

a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbaefese 5:17

De luun nen mbabumen ga, kpa kav nen er ishima i Ter i lu yô.

Mbakolose 1:9

Sha ci u nahan yô, hii sha iyange i se ungwa kwagh la je se kera mem u eren msen man shi u zamber sha ci wen ga, ser ma i iv ne a mfe u fan ishima Na sha kwaghfan cii man mkav u ken jijingi kpaa,

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

1 Mbatesalonika 4:3

Gadia ishima i Aôndo yô, ka i ne, ka mtsegh wen; nyagh nen idya.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 1:18

Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga,

1 Peteru 2:3

aluer ne kav er Ter A doo je yô.

1 Peteru 4:2

sha u ayange a ken iyol a a shi ne her yô, né kera eren sha asaren a ior ga, kpa i̱ lu sha ishima i Aôndo.

2 Peteru 1:4

Ka sha ve kpaa man a na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbala, né war hôngor u u lu shin tar sha isharen i bo la kera yô.

2 Peteru 2:20

Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

1 Yohane 3:13

Anmgbianev av, aluer tar ua kôr ne ihom yô, i̱ de kpiligh ne iyol ga.

1 Yohane 5:19

Se fa se due ken Aôndo, kpa tar cii ngu sha ikev i Orbo.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.