Mbaromanu 12:16 - ICIGHAN BIBILO

¹⁶ Luun nen ishima i môm ayol a en, de veren nen ishima sha uzegembaakaav ga kpa ishima i̱ lu ne sha akaa a kiriki, de nengen ayol a en ner ne mba mbafankwagh ga.

Mbaromanu 12:16 Iomraidhean Croise

2 Kroniku 30:12

Shi ken Yuda kpaa TER na ve u lun ishima i môm, u eren sha tindi u tor kua atiator, sha imo i TER la.

Yobu 36:5

Aôndo yô, ka u ageegh je, lahan ma or ga; ngu a tahav mbu mkav u ganden cii,

Anzaakaa 17:5

Or u nan naha icanor tar yô, ka u A gbe un la nan laha ye; or u nan ember sha bocan u or yô, nana de zuan a mtsaha ga.

Anzaakaa 19:17

Or u nan zungu mbaatsanev mhôônom yô, nan pwar TER kwagh je, nahan Un kpaa Una na nan sha ieren i nan i dedoo la.

Anzaakaa 19:22

Erdoo u or yô, ka un a doo ior ye; guda icanor a or u eren aie.

Anzaakaa 19:7

Anmgbianev mba icanor cii, mba ker nan ihom, man hile akar a nan, á undu nan, á gba ca a nan ga yee? ka nan dondo a ijime a kwaghôron, kpa a yem kera.

Anzaakaa 26:12

U nenge or u nan lu a kwaghfan sha mnenge u nan iyol i nana? Yô, guda ibumeor a nan.

Anzaakaa 26:5

Na ibumeor imo sha inja i lanegh ku nan, sha er nana̱ de luun orfankwagh sha mnenge u nan ga yô.

Anzaakaa 3:7

De nengen iyol you wer, u ngu orfankwagh ga, cia TER, pav a ifer kpaa;

Yesaia 5:21

Kwagh á tser mba ve nengen ayol a ve er ve mba mbafankwagh, man shi ve nengen ayol a ve er ve mba mbakavenkwagh yô!

Yeremia 32:39

Me na ve ishima i môm man gbenda môm, sha u ve̱ ciam gbem, i̱ kpe ve iyol kua ônov vev mba ken ijime ve;

Yeremia 45:5

U ngu keren akaa a vesen sha ci wou iyol youwe? De kera keren a ga; gadia nenge, M ngu van a kwagh u bo sha uuma cii, kape TER A kaa ne; kpa Me gema uma wou a̱ hingir we er ka ishar u ye yô, sha ajiir a ú zenden cii.

Mateu 11:5

mbaapirashe mba nengen kera, man mbasombon mba zenden, wanger mbaamandev iyol, mbakondonato mba ungwan; mba nderen mbakpenev, man mba ôron mbaatsanev Loho u Dedoo.

Mateu 26:11

Gadia ne mba a mbaatsanev a ven imôngo gbem; kpa Mo yô, né lu a Mo gbem ga.

Luka 14:13

Kpa zum u wea er iniongo yô, lôhô mbaatsanev man mbaawanev man mbakeer man mbaapirashe.

Luka 6:20

Tsô A kende ashe sha mbahenen Nav, A kaa er: Saan ne iyol, ne mbaatsanev, gadia tartor u Aôndo ka u wen je.

Aerenakaa A Mbaapostoli 4:32

Ikpelaior i i na jighjigh yô, asema a ve man mhen ve hingir kwagh môm, man shi sha akaa a hanmô ve nan lu a mi la yô, ma or kera kaa er, ka kwagh u nan iyol i nan je la ga, ve nungwa akaa a ve lu a mi la hingir kwagh môm.

Mbaromanu 11:20

Kape i lu je la. Ka sha jighjigh ve u nan ga la i asegh ve kera ye. We yô, ka sha jighjigh u nan u til ye. Yô, de gengese iyol ga, cian kwagh.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 12:3

M ngu kaan hanmô wen sha mrumun u sha mhôôn u i nem la mer, nana̱ de nengen sha mlu u nan i̱ hemban er ma nan nenge la ga, kpa nana̱ nenge sha mnenge u mimi, sha inja i kwar u jighjigh u nan u Aôndo A kar hanma or ser ser la.

Mbaromanu 15:5

Aôndo u ishimawan man ishimasurun A̱ na ne, lu nen ishima i môm ayol a en sha inja i Kristu Yesu la,

Mbaromanu 6:2

Mayange ga! Á er nan man se mba se kpe sha kwagh u isholibo shi sé lu uma kimi?

1 Mbakorinte 1:10

M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa.

1 Mbakorinte 3:18

Ma or nana̱ de tsughun iyol i nan ga. Aluer anti or u ken a ven nan ngu henen er nan ngu orfankwagh ken kov u ainge ne yô, nana̱ hingir ibumeor, man nana fa kwagh ye.

1 Mbakorinte 4:10

Se yô, se mba abumeaior sha ci u Kristu, kpa ne yô, ne gema ne mba mbafankwagh ken Kristu. Se yô, se mba aseeraior, kpa ne yô, ne mba mbataveragee. Ne yô, ne mba mbaiciviriv, kpa se yô, se mba mbaaheenev.

1 Mbakorinte 6:5

M ngu ôron ne kwagh ne, ka u van ne ahenge je. Or u fan kwagh môm tsô kpaa ngu ken a ven u nana fatyô u ôron ikyaa i hen anmgbianev mba nan gaa?

1 Mbakorinte 8:2

Aluer or ngu henen er nan fa ma kwagh yô, nan ngu a fa er i doo u ma nan fe la ga.

2 Mbakorinte 13:11

Kwagh u a shi yô, anmgbianev, ember nen, sôr nen mbamlu enev, ungwa nen kwaghwan, lu nen ishima i môm, lu nen bem bem man Aôndo u dooshima man u bem Una lu a ven ye.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

Mbafilipi 3:16

Kpa kwagh u se zua a mi la yô, se zende nen sha mi vough.

Mbafilipi 4:2

M ngu wan Yuodia kwagh shi m ngu wan Suntuki kwagh kpaa mer, ve̱ zua, ve lu kwaghmôm ken Ter.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

1 Peteru 5:3

i̱ de lu er ne mba eren tahav sha kwagh u i we ne sha ikev ga, kpa lu nen ikumuile la ikav.

3 Yohane 1:9

M nger nongo u Kristu kwagh, kpa Diotrefe, u tamen a doo un ken a ven yum la, a rumun se ga.