Mbaromanu 12:12 - ICIGHAN BIBILO

¹² Ember nen sha ishimaverenkeghen, waan nen ishima ken ican, taver nen ishima sha msen u eren.

Mbaromanu 12:12 Iomraidhean Croise

Upasalmi 109:4

Sha dooshima wam la, ve gema ve hingir mbaahendanev av, kpa mo yô, m lu eren msen.

Upasalmi 37:7

Tema gir gir sha ishigh ki TER, ver ashe sha a Na sha ishima i wan; ishima i̱ de vihin we sha ci u or u nan zough a mkpeyol sha gbenda u nan, u nan eren atseregh la, ga.

Upasalmi 40:1

M ver ashe hen TER a ishima i tiaver, Un kpaa, A ver ato her a mo, A ungwa mliam am.

Upasalmi 62:8

Ne ikurior ne, suur nen sha a Na hanma shighe, pase nen asema a en sha ishigh Nagh; Aôndo ka ijiir yase i yeren je. Sela.

Anzaakaa 10:28

Ishimaverenkeghen i mbaperapera ia hingir iember, kpa awashima u aferaior yô, una saa ishe.

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Mateu 5:12

ember nen, i̱ saan ne ken ishima tsung, gadia injar yen vese Sha, gadia kape ve tôv uprofeti mba ve vande a ven la a ican je la.

Luka 10:20

Kpa de ember nen er ujijingi ve lu sha ikev yen ga, kpa ember nen er i nger ati a en Sha yô.

Luka 21:19

Ka sha ishima yen i wan man né zua a uma wen ye.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Aerenakaa A Mbaapostoli 1:14

Mban cii zua ishima i môm sha msen u eren kua kasev mbagenev man Maria, ngô u Yesu man angôôv Nav kpaa.

Aerenakaa A Mbaapostoli 12:5

Tsô i gba kuran Peteru ken gaadi; kpa nongo u Kristu lu sônon Aôndo tsung sha ci na.

Aerenakaa A Mbaapostoli 2:42

Tsô ve kange asema sha ityesen i mbaapostoli man ken mzoughshima, man ken mcoon u bredi, man ken msen u eren kpaa.

Aerenakaa A Mbaapostoli 6:4

Kpa se yô, sé taver ishima sha msen u eren man sha tom u kwaghôron ne.

Mbaromanu 15:13

Aôndo u ishimaverenkeghen A̱ iv ne a iember gbing kua bem kpaa sha jighjigh u ne ne la, sha u né ngee a ishimaverenkeghen sha agee a Icighan Jijingi yô.

Mbaromanu 15:4

Gadia akaa a i vande ngeren la cii ka sha ci u ityesen yase lu i nger a ye, lu sha u se̱ lu a ishimaverenkeghen sha ishimawan man ishimasurun i ken icighanruamabera la.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

Mbaromanu 8:25

Kpa aluer se mba a ishimaverenkeghen sha kwagh u se nenge a mi ga la yô, ka sha ishima i wan je se kegh un ye.

1 Mbakorinte 13:13

Hegen yô, akaa ne nga lun her, ka jighjigh u nan man ishimaverenkeghen kua dooshima, nga atar je; kpa kwagh u hemban ken a yô, ka dooshima.

2 Mbakorinte 12:8

Sha kwagh ne m sôn Ter kwa tar mer, kwagh ne a̱ due ken mo kera.

Mbafilipi 3:1

Kwagh ugen yô, anmgbianev av, ember nen ken Ter. U shi ngeren ne akaa shon ne kpaa, uwer gbam ga, ne yô, ka ne iwasen.

Mbafilipi 4:4

Ember nen ken Ter gbem, shi me kaa mer, ember nen.

Mbakolose 1:11

i̱ taver ne sha agee cii sha inja i agee a iengem Na la sha u taver ishima man shi u wan ishima saan saan kpaa,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

Mbakolose 4:2

Taver nen asema sha msen u eren, lu nen per sha mi sha ishughun.

1 Mbatesalonika 1:3

Ka sha ishigh ki Aôndo Ter wase man se lu umbur tom wen u sha jighjigh u nan gbem ye, man gbashima wen u sha tom u dooshima man ishimawan yen i sha ishimaveren keghen Ter wase Yesu Kristu la.

1 Mbatesalonika 5:8

Kpa se mba se lu mbaatetan yô, se lu nen geng ge geng se har nen perutya u jighjigh u nan man dooshima; man agunduutya yô, ka ishimaveren keghen myom je la.

2 Timoteu 1:4

zan zan se ayol a ase kpaa se mba tan ihagh a ven ken iniongo i Kristu i Aôndo sha ishima yen i wan man jighjigh wen u nan ken mbamtev mba i lu tôvon ne a atsan man atsan a ne lu taver ishima sha mi la cii.

2 Timoteu 3:5

Ter A̱ kôôm asema a en u zan ken dooshima u Aôndo man ishima i wan i Kristu.

1 Timoteu 6:11

Kpa we, or u Aôndo yô, yevese akaa ne, gema dondo perapera ityô kua u civir Aôndo man jighjigh u nan man dooshima man ishima i wan man ishima i legh legh kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:10

Kpa we u lu a mo mangeraa sha ityesen man ieren yam man ishimaveren yam man jighjigh u nan man ishima i wan man dooshima man ishima i taver

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Titu 3:7

sha u i̱ na se ishô sha mrumun u sha mhôôn Na, se̱ hingir mbayandyako sha ishimaveren keghen uma u tsôron la.

Mbaheberu 10:32

Umbur nen ayange a karen la zum u kwagh va wanger ne la, ne nôngo ngegh sha atsan a a tser ne la.

Mbaheberu 10:36

Gadia gba u né lu a ishima i taver sha u eren ishima i Aôndo man né ngohol kwagh u i tende zwa a ven la.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

Mbaheberu 3:6

Kpa Kristu yô lu jighjigh sha ya Na, lu Wan je. Man ka se se lu ya Na ye, aluer se kôr ave gbang gbang sha vangertiôr wase man ihagh i sha ishimaverenkeghen yase la zan zan mkur yô.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

Mbaheberu 6:12

sha u iyol i̱ de kera kpeen ne ga, kpa ne̱ hingir mbakaven mba ve ya dyako u uityendezwa sha jighjigh u nan man sha ishima i wan kpaa.

Mbaheberu 6:15

Er a wa ishima gbang, a maa a ngohol ityendezwa la.

Yakobu 5:7

Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi.

1 Peteru 4:13

Kpa her ape ne nyôr nongo a Kristu ken atsan a Na yô, ember nen, sha er shighe u m-ande u iengem Na la kpaa né va ember tsung.

1 Peteru 4:7

Kpa mkur u akaa cii mgbôghom ve; nahan kundu nen ishima shi lu nen geng ge geng kpaa, sha u né fatyô u eren msen yô.

2 Peteru 1:6

sha kwaghfan la, seer nen u kôron iyol tsaha; sha tsaha u kôron la, seer nen ishima i taver; sha ishima i taver la, seer nen mcivir u civir Aôndo;

Mpase U Yohane 13:10

Aluer i ver or sha ci u uikangen yô, ka ken uikangen je nana za keng ye. Aluer or nana wua sha sanker yô, nan di kpaa á wua nan sha sanker keng. Ka sha kwagh ne man ishima i taver i uicighanmbaiorov man jighjigh ve u nan a lu ye.